ചെങ്ങന്നൂർ : യുവാക്കള് സഞ്ചരിച്ച ബൈക്ക് നിയന്ത്രണം വിട്ട് മതിലില് ഇടിച്ച് ഒരാള് മരിച്ചു. ചെറിയനാട് അരിയണ്ണൂർശ്ശേരി ഗ്രാമം കോളനിയില് അമൃതം വീട്ടിൽ ശശിയുടെ മകന് ആരോമല് (23) ആണ് മരിച്ചത്. ഒപ്പമുണ്ടായിരുന്ന ചെറിയനാട് അരിയണ്ണൂർശ്ശേരി ഗ്രാമം കോളനിയില് പുത്തൻ തറയില് വിഷ്ണു വിജയന് കോട്ടയം മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തില് ചികിത്സയിലാണ്. തിങ്കളാഴ്ച വൈകുന്നേരം 5.30 ഓടെ പേരിശ്ശേരി – ഓട്ടാഫീസ് റോഡിൽ ആലാ നെടുവരംകോട് എസ്.എൻ കോളേജ് ജങ്ഷനു സമീപമാണ് അപകടമുണ്ടായത്. നിയന്ത്രണം വിട്ട ബൈക്ക് റോഡിലെ സൂചന ബോർഡിൽ തട്ടിയ ശേഷം മതിലില് ഇടിക്കുകയായിരുന്നു. ചെങ്ങന്നൂരിലെ ദേവീ പെട്രോള് പമ്പിലെ ജീവനക്കാരന് ആയിരുന്നു മരിച്ച ആരോമല്. സംസ്കാരം പിന്നീട്. ആരോമലിന്റെ മാതാവ് മണി. സഹോദരങ്ങള് : അഖില്, അമല്, അമൃത.
ബൈക്ക് നിയന്ത്രണം വിട്ട് മതിലിൽ ഇടിച്ച് യുവാവ് മരിച്ചു
RECENT NEWS
Advertisment