റാന്നി: ഇരുചക്രവാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ കെ.എസ്.ആര്‍.ടി.സി ഡ്രൈവര്‍ മരിച്ചു. കുമളി ഡിപ്പോയിലെ ഡ്രൈവര്‍ റാന്നി മോതിരവയല്‍ മണ്ണുംങ്കല്‍ തടത്തില്‍ പരേതനായ എം.ആര്‍.ദാസിന്റെയും സുമയുടെയും മകന്‍ സുമേഷ് എം.ദാസ് (35) ആണ് മരിച്ചത്. ശനിയാഴ്ച രാത്രി ഏഴ് മണിയോടെ മോതിരവയല്‍ – കല്യാണിമുക്ക് റോഡില്‍ അക്കാളുപടിക്കല്‍ വെച്ചായിരുന്നു അപകടം. എതിരെ വന്ന ബൈക്ക് കൂട്ടിയിടിക്കുകയായിരുന്നു. പിന്നിലിരുന്ന ഭാര്യ അമ്പിളിക്കും പരിക്കേറ്റു. സുമേഷ് വീട്ടിലേയ്ക്ക് പോകുകയായിരുന്നു. റാന്നിയിലെ സ്വകാര്യ ആശുപത്രിയില്‍ ചികിത്സയിലിരിക്കെ ഇന്നലെ രാത്രി എട്ട് മണിയോടെയാണ് സുമേഷിന്റെ മരണം.
