ശ്രീനഗര്‍ : ജമ്മു കാശ്‌മീരില്‍ ബി.ജെ.പി നേതാവും ഗ്രാമമുഖ്യനുമായ സജാദ് അഹമ്മദ് ഖാനെ ഭീകരവാദികള്‍ കൊലപ്പെടുത്തി. കാശ്‌മീരിലെ കുല്‍ഗാം ജില്ലയിലാണ് സംഭവം. ഗ്രാമമുഖ്യന്റെ വീട്ടിലേക്ക് കടന്നുകയറിയ തീവ്രവാദികള്‍ അദ്ദേഹത്തെ വെടിവച്ച്‌ കൊലപ്പെടുത്തുകയായിരുന്നു എന്നാണ് വിവരം. ഗുരുതരമായി പരിക്കേറ്റ സജാദ് അഹമ്മദ് ഖാനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കഴിഞ്ഞ 48 മണിക്കൂറിനിടെ ജമ്മുകാശ്‌മീരിലെ രണ്ടാമത്തെ ഗ്രാമമുഖ്യനാണ് ആക്രമിക്കപ്പെടുന്നത്. മറ്റൊരു ബി.ജെ.പി നേതാവും ഗ്രാമ മുഖ്യനുമായ ആരിഫ് അഹമ്മദ് ഗുരുതര പരിക്കുകളോടെ ആശുപത്രിയിലാണ്.
