തിരുവനന്തപുരം: ബിജെപിയുടെ സംസ്ഥാന തെരഞ്ഞെടുപ്പ് കമ്മിറ്റി പ്രഖ്യാപിച്ചു. പുതിയതായി പാര്ട്ടിയിലെത്തിയ മെട്രോമാന് ഇ.ശ്രീധരന് ഉള്പ്പെടെയുള്ളവര് 16 അംഗ കമ്മിറ്റിയില് ഇടംപിടിച്ചപ്പോള് ശോഭ സുരേന്ദ്രനെ ഉള്പ്പെടുത്തിയിട്ടില്ലെന്നതാണ് ശ്രദ്ധേയം.
സംസ്ഥാന അധ്യക്ഷന് കെ.സുരേന്ദ്രന്, കേന്ദ്രമന്ത്രി വി.മുരളീധരന്, ദേശീയ ഉപാധ്യക്ഷന് എ.പി. അബ്ദുള്ളക്കുട്ടി, മുന് സംസ്ഥാന അധ്യക്ഷന്മാരായ കുമ്മനം രാജശേഖരന്, ഒ.രാജഗോപാല് എം.എല്.എ, സി.കെ. പദ്മനാഭന്, പി.കെ. കൃഷ്ണദാസ്, മെട്രോമാന് ഇ.ശ്രീധരന്, സംസ്ഥാന ജനറല് സെക്രട്ടറിമാരായ എം.ടി രമേശ്, ജോര്ജ് കുര്യന്, സി.കൃഷ്ണകുമാര്, പി.സുധീര്, സംസ്ഥാന ഉപാധ്യക്ഷന് എ.എന്. രാധാകൃഷ്ണന്, സംഘടനാ ചുമതലയുള്ള ജനറല് സെക്രട്ടറി എം.ഗണേശന്, സഹ.ജനറല് സെക്രട്ടറി കെ.സുഭാഷ്, മഹിളാമോര്ച്ച സംസ്ഥാന അധ്യക്ഷ നിവേദിത സുബ്രഹ്മണ്യന് എന്നിവരാണ് ബി.ജെ.പി. സംസ്ഥാന തെരഞ്ഞെടുപ്പ് കമ്മിറ്റിയിലെ അംഗങ്ങള്. പ്രഭാരി സി.പി രാധാകൃഷ്ണന്, സഹപ്രഭാരി സുനില് കുമാര് എന്നിവര് പ്രത്യേക ക്ഷണിതാക്കളായിരിക്കും.
