പത്തനംതിട്ട : ലോക രക്തദാതൃ ദിനവുമായി ബന്ധപ്പെട്ട് ബ്ലഡ് ഡൊണേഴ്സ് കേരള പത്തനംതിട്ടക്ക് കേരള സ്റ്റേറ്റ് എയ്ഡ്സ് കണ്ട്രോൾ സൊസൈറ്റിയുടെയും പത്തനംതിട്ട ഗവണ്മെന്റ് ബ്ലഡ് ബാങ്കിന്റെയും ആദരവും അവാർഡും ലഭിച്ചു. ലോക്ഡൗണ് കാലയളവിൽ ഗവണ്മെന്റ് ബ്ലഡ് ബാങ്കുമായി ചേർന്ന് ഏറ്റവും കൂടുതൽ ക്യാമ്പുകൾ സംഘടിപ്പിച്ചതിനാണ് ആദരവും അവാർഡും ലഭിച്ചത്. ഇന്ന് പത്തനംതിട്ട ഗവണ്മെന്റ് ബ്ലഡ് ബാങ്കിൽ നടന്ന ചടങ്ങില് അവാര്ഡ് നല്കി.
ജില്ലാ റ്റി.ബി ഓഫീസർ നിതീഷ് ഐസക് സാമുവേൽ, പത്തനംതിട്ട ജനറൽ ആശുപത്രി മെഡിക്കൽ ഓഫീസർ പ്രെറ്റി സക്കറിയ ജോർജ്ജ്, ഡോ.ആശിഷ് (പത്തനംതിട്ട ജനറൽ ആശുപത്രി) എന്നിവരും ബ്ലഡ് ഡൊണേഴ്സ് കേരള പത്തനംതിട്ട ജില്ലാ പ്രസിഡന്റ് ബിജു കുമ്പഴ, ഡോ. പ്രിയ സേനൻ, അഡ്വ. സിന്ധു, ജെറിന് വെണ്ണിക്കുളം, ഷൈജുമോൻ എന്നിവരും ചടങ്ങില് പങ്കെടുത്തു.
