കോഴിക്കോട് : കേന്ദ്ര, സംസ്ഥാന സര്‍ക്കാറുകളുടെ ജനദ്രോഹ നയങ്ങള്‍ക്കെതിരെ സംഘപരിവാര്‍ തൊഴിലാളി സംഘടനയായ ഭാരതീയ മസ്ദൂര്‍ സംഘം (ബി.എം.എസ്) നടത്തുന്ന ദേശീയ പ്രക്ഷോഭത്തിന്‍റെ ഭാഗമായി ജില്ലയിലെ 20 കേന്ദ്രങ്ങളില്‍ ഇന്ന് പ്രതിഷേധ ധര്‍ണ നടത്തും. ബി.എം.എസ് സംസ്ഥാന ഉപാധ്യക്ഷന്‍ എം.പി രാജീവന്‍ ഉദ്ഘാടനം ചെയ്യും.
പെരുവയല്‍ മേഖലയില്‍ ജില്ല പ്രസിഡണ്ട് പി. ശശിധരനും കുറ്റ്യാടി മേഖലയില്‍ ജില്ല സെക്രട്ടറി ടി.എം പ്രശാന്തും ഉദ്ഘാടനം െചയ്യുമെന്ന് ഭാരവാഹികള്‍ വാര്‍ത്ത സമ്മേളനത്തില്‍ അറിയിച്ചു.
അവശ്യ വസ്തുക്കളുടെയും പെട്രോളിയം ഉത്പന്നങ്ങളുടെയും വില വര്‍ധനവ് തടയുക, പെട്രോളിയം ഉത്പന്നങ്ങള്‍ ജി.എസ്.ടിയില്‍ ഉള്‍പ്പെടുത്തുക, ദിവസേനയുള്ള വര്‍ധനവ് പിന്‍വലിക്കുക, കോവിഡ് കാരണം തൊഴില്‍ നഷ്ടപ്പെട്ടവര്‍ക്ക് സംസ്ഥാനതലത്തില്‍ സാമ്ബത്തിക പാക്കേജ് ഏര്‍പ്പെടുത്തുക തുടങ്ങിയ ആവശ്യങ്ങളുന്നയിച്ചാണ് ധര്‍ണ. വാര്‍ത്തസ മ്മേളനത്തില്‍ പി. ശശിധരന്‍, ടി.എം പ്രശാന്ത്, െക. സുരേഷ് കുമാര്‍ തുടങ്ങിയവര്‍ പങ്കെടുത്തു.
