കൊച്ചി : എസ്‌എന്‍ഡിപിയോഗം ജനറല്‍ സെക്രട്ടറി വെള്ളാപ്പള്ളി നടേശന്‍ ഉള്‍പ്പെടെയുള്ള ഭാരവാഹികളെ അയോഗ്യരാക്കണമെന്നാവശ്യപ്പെട്ട് എംകെ സാനു ഹൈക്കോടതിയെ സമീപിച്ചു. കമ്പനി നിയമപ്രകാരം രജിസ്റ്റർ ചെയ്തിട്ടുള്ള എസ്.എൻ.ഡി.പി.യോഗം 2006 ന് ശേഷം അധികൃതർക്ക് കണക്കുകൾ ബോധിപ്പിച്ചിട്ടില്ലെന്നും അതിനാൽ ബോർഡ് അംഗങ്ങൾക്ക് തുടരാൻ അർഹതയില്ലെന്നും ചൂണ്ടിക്കാട്ടിയാണ് ഹർജി.
സുഗമമായ ഭരണത്തിൻ അഡ്മിനിസ്ട്രേറ്ററെ നിയമിക്കണമെന്നും ഹര്‍ജിയില്‍ ആവശ്യമുണ്ട്. ഇക്കാര്യത്തില്‍ സര്‍ക്കാരിന് നിവേദനം നല്‍കിയിട്ടും നടപടിയില്ലെന്ന് ഹര്‍ജിയില്‍ പറയുന്നു.
ഭരണം നിയമാനുസൃതമല്ലാത്തതിനാല്‍ വെളളാപ്പിള്ളിക്കു പുറമെ യോഗം പ്രസിഡന്‍റ് ഡോ എംഎന്‍ സോമന്‍, വൈസ് പ്രസിഡന്‍റ് തുഷാര്‍ വെള്ളാപ്പള്ളി, ദേവസ്വം സെക്രട്ടറി അരയാക്കണ്ടി സന്തോഷ് എന്നിവര്‍ ബോര്‍ഡ് അംഗങ്ങളായി തുടരുന്നത് തടയണമെന്നാണ് ആവശ്യം.
