കോഴിക്കോട് : വളയം ഒപി മുക്കില് സ്റ്റീല് ബോംബേറ്. ആളൊഴിഞ്ഞ ഇടവഴിയിലേക്കാണ് ബോംബേറ് ഉണ്ടായത്. സ്ഫോടനം നടന്ന സ്ഥലത്ത് കുഴി രൂപപ്പെട്ടു. വെള്ളിയാഴ്ച രാത്രിയോടെയാണ് സംഭവം. ബോംബിന്റെ തീവ്രത അളന്നതാണോ എന്ന് സംശയിക്കുന്നതായി പോലീസ് അറിയിച്ചു. വളയം പോലീസ് സ്ഥലത്തെത്തി പരിശോധന നടത്തി.
ബോംബ് സ്ക്വാഡ് വിദഗ്ധര് ഇന്ന് സ്ഥലത്തെത്തും. അതിനിടെ നൊച്ചാട് സി.പി.എം പ്രവര്ത്തകന്റെ വീടിനുനേരെ ആക്രമണം നടന്നതായി റിപ്പോര്ട്ടുണ്ട്. ബ്രാഞ്ച് കമ്മിറ്റി അംഗം മാരാര് കണ്ടി സുല്ഫിയുടെ വീടിനുനേരെയായിരുന്നു ആക്രമണം. പോര്ച്ചിലുണ്ടായിരുന്ന കാര് കത്തിക്കാന് ശ്രമം നടന്നു. തീയാളുന്നത് കണ്ടയുടനെ വീട്ടുകാര് തീയണച്ചതിനാല് വന് അപകടം ഒഴിവായി. പേരാമ്പ്ര പോലീസ് അന്വേഷണം തുടങ്ങി.
