കോന്നി : തണ്ണിത്തോട് എലിമുള്ളുംപ്ലാക്കൽ കാട്ടുമുറി റോഡിൽ ഉപയോഗശൂന്യമായ കുഴൽ കിണറിന്റെ ഭാഗമായ ഇരുമ്പ് പൈപ്പ് യാത്രക്കാർക്ക് ഭീഷണിയാകുന്നു. വർഷങ്ങൾക്ക് മുൻപ് സ്ഥാപിച്ച പൈപ്പിന്റെ മറ്റുഭാഗങ്ങൾ നശിച്ചുപോയതിനെ തുടർന്ന് നീക്കം ചെയ്തിട്ടും റോഡിലേക്ക് ഉയർന്നുനിൽക്കുന്ന ഭാഗം നീക്കം ചെയ്യാൻ അധികൃതർ തയ്യാറായിട്ടില്ല. ആഴ്ചകൾക്ക് മുൻപാണ് ഈ റോഡ് റീ ടാറിങ് നടത്തിയത്. പൈപ്പ് നിൽക്കുന്നത് റോഡിലെ വളവിൽ ആയതിനാൽ ഇരുചക്ര വാഹന യാത്രക്കാർ അടക്കം ഇതിൽ തട്ടി വീണ് അപകടം സംഭവിക്കാനുള്ള സാധ്യത ഏറെയാണ്.
