കൊച്ചി: ബ്രഹ്മപുരത്ത് വീണ്ടും തീപ്പിടിത്തം ഉണ്ടായതിന് പിന്നാലെ പ്രതിഷേധവുമായി നാട്ടുകാര്. കോര്പറേഷന് അധികൃതരെ ഇനി ബ്രഹ്മപുരത്തേക്ക് കയറ്റില്ലെന്നാണ് നാട്ടുകാര് പറയുന്നത്. സോണ്ട ജീവനക്കാര് കഴിഞ്ഞ ദിവസം ബ്രഹ്മപുരത്ത് എത്തിയതില് ദുരൂഹതയുണ്ട്. എന്തിനാണ് അവര് വന്നതെന്ന് വ്യക്തമാക്കണമെന്നും നാട്ടുകാര് ചോദിക്കുന്നു. ബ്രഹ്മപുരം മാലിന്യസംസ്കരണ പ്ലാന്റിലെ സെക്ടര് ഏഴിലാണ് തീ പടര്ന്നത്. ബ്രഹ്മപുരത്ത് തുടര്ന്നിരുന്ന രണ്ട് ഫയര്ഫോഴ്സ് യൂണിറ്റിന് പുറമെ ഒരു യൂണിറ്റ് കൂടി സ്ഥലത്തെത്തി തീയണയ്ക്കാന് ശ്രമം തുടരുകയാണ്.
കഴിഞ്ഞ തവണ തീപിടിത്തമുണ്ടായപ്പോള് ഏറ്റവും അവസാനം തീയണച്ചത് സെക്ടര് ഏഴിലാണ്. ഇതേ സ്ഥലത്താണ് ഇന്ന് തീ പടര്ന്നത്. തീ മാലിന്യക്കൂമ്പാരത്തിന്റെ അടിത്തട്ടിലേക്ക് വ്യാപിക്കാതിരിക്കാന് കടുത്ത ജാഗ്രതയിലാണ് അധികൃതര്. ഇത് തടയാന് മണ്ണുമാന്തി യന്ത്രം ഉപയോഗിച്ച് മാലിന്യം ഇളക്കി വെള്ളമൊഴിക്കുകയാണ്. ഇരുട്ട് വീഴും മുമ്പ് തീ പൂര്ണമായും അണയ്ക്കാനാണ് ശ്രമം.
