കോഴിക്കോട് : മുക്കത്ത് പാലം നിര്‍മ്മാണത്തിനിടെ സ്ലാബുകള്‍ തകര്‍ന്ന സംഭവത്തില്‍ മന്ത്രി മുഹമ്മദ് റിയാസ് റിപ്പോര്‍ട്ട് തേടി. പിഡബ്ല്യൂ വിജിലന്‍സ് വിഭാഗത്തോട് പരിശോധിച്ച്‌ ഉടന്‍ റിപ്പോര്‍ട്ട് നല്‍കാനാണ് മന്ത്രി നിര്‍ദ്ദേശം നല്‍കിയത്. മുക്കം കൂളിമാട് കടവിലാണ് സംഭവം. സ്ലാബുകള്‍ പിയര്‍ ക്യാപ്പിലേക്ക് ഇറക്കുന്നതിനിടെയാണ് തകര്‍ന്ന് വീണതെന്ന് കരാര്‍ കമ്പനിയായ യുഎല്‍സിസി അറിയിച്ചു. സംഭവത്തില്‍ പിഡബ്ല്യൂ വിജിലന്‍സ് വിഭാഗത്തോട് പരിശോധിച്ച്‌ റിപ്പോര്‍ട്ട് നല്‍കാന്‍ മന്ത്രി മുഹമ്മദ് റിയാസ് നിര്‍ദ്ദേശം നല്‍കി.
കോഴിക്കോട്, മലപ്പുറം ജില്ലകളെ ബന്ധിപ്പിക്കുന്ന മുക്കം കൂളിമാട് പാലത്തിന്റെ നിര്‍മ്മാണ പ്രവര്‍ത്തനത്തിനിടെയാണ് സ്ലാബുകള്‍ തകര്‍ന്നു വീണത്. പാലത്തിന്റെ മലപ്പുറം ജില്ലയുടെ ഭാഗത്ത് നിര്‍മിച്ച തൂണുകള്‍ക്ക് മുകളിലെ സ്ലാബുകളാണ് തകര്‍ന്നത്. സംഭവത്തില്‍ പിഡബ്ല്യൂ വിജിലന്‍സ് വിഭാഗത്തോട് പരിശോധിച്ച്‌ ഉടന്‍ റിപ്പോര്‍ട്ട് നല്‍കാന്‍ മന്ത്രി മുഹമ്മദ് റിയാസ് നിര്‍ദ്ദേശം നല്‍കി. കെആര്‍എഫ്ബി പ്രൊജക്‌ട് ഡയറക്ടറോടും മന്ത്രി റിപ്പോര്‍ട്ട് തേടിയിട്ടുണ്ട്. സ്ലാബുകള്‍ പിയര്‍ ക്യാപ്പിലേക്ക് ഇറക്കുന്നതിനിടെ ഹൈഡ്രോളിക് ജാക്കിക്കുണ്ടായ തകരാറുമൂലമാണ് സ്ലാബുകള്‍ തകര്‍ന്നതെന്ന് അസിസ്റ്റന്‍സ് എന്‍ജിനിയര്‍ മുഹസിന്‍ അമ്മില്‍ പറഞ്ഞു. രണ്ട് വര്‍ഷം മുമ്പാണ് പാലത്തിന്റെ നിര്‍മ്മാണപ്രവര്‍ത്തികള്‍ ആരംഭിച്ചത്. നിലവില്‍ നിര്‍മ്മാണം ഏറെകുറെ പൂര്‍ത്തിയാകുന്ന ഘട്ടത്തിലാണ് ഭീമുകള്‍ തകര്‍ന്നു വീണത്.
