ഡല്‍ഹി:ലൈംഗിക ആരോപണം ഉയർന്ന സാഹചര്യത്തിൽ ജനുവരി 22 ഞായറാഴ്‌ച നടത്താനിരുന്ന റെസ്ലിംഗ് ഫെഡറേഷൻ ഓഫ് ഇന്ത്യയുടെ ജനറൽ കൗൺസിൽ യോഗം റദ്ദാക്കി. ഫെഡറേഷനും അതിന്റെ മേധാവിക്കുമെതിരെ ഉയർന്ന താരങ്ങളുടെ പ്രതിഷേധത്തെത്തുടർന്ന് താൽക്കാലികമായി മാറിനിൽക്കുന്ന ഡബ്ല്യുഎഫ്‌ഐ പ്രസിഡന്റ് ബ്രിജ് ഭൂഷൺ ശരൺ സിംഗ്, അയോധ്യയിൽ ചേരുന്ന യോഗത്തിൽ ആരോപണങ്ങൾ ചർച്ച ചെയ്യുമെന്ന് നേരത്തെ പറഞ്ഞിരുന്നു.വിനേഷ് ഫോഗട്ട്, ബജ്‌റംഗ് പുനിയ, സാക്ഷി മാലിക്, അൻഷു മാലിക്, രവികുമാർ ദാഹിയ എന്നിവരുൾപ്പെടെ ഒരു വിഭാഗം ഗുസ്തി താരങ്ങൾ ഉന്നയിച്ച ആരോപണങ്ങൾ അന്വേഷിക്കാൻ കായിക മന്ത്രാലയം ശനിയാഴ്‌ച ‘മേൽനോട്ടം സമിതി’ രൂപീകരിച്ചതിന് പിന്നാലെയാണ് യോഗം റദ്ദാക്കിയത്.
ഡബ്ല്യുഎഫ്‌ഐക്കും അതിന്റെ പ്രസിഡന്റ് ബ്രിജ് ഭൂഷൺ ശരൺ സിംഗിനുമെതിരായ ആരോപണങ്ങൾ മേൽനോട്ട സമിതി അന്വേഷിക്കും, കൂടാതെ അന്വേഷണം പൂർത്തിയാകുന്നതുവരെ ഫെഡറേഷന്റെ ദൈനംദിന പ്രവർത്തനങ്ങളും ഏറ്റെടുക്കും. അന്വേഷണം പൂർത്തിയാകുന്നതുവരെ ബ്രിജ് ഭൂഷൺ സ്ഥാനത്ത് നിന്ന് മാറിനിൽക്കുമെന്ന് കായികമന്ത്രി അനുരാഗ് സിംഗ് താക്കൂർ ശനിയാഴ്‌ച സ്ഥിരീകരിച്ചിരുന്നു. ആരോപണങ്ങളിൽ നടപടിയും, വിശദമായ അന്വേഷണവും നടത്തുമെന്ന് കായിക മന്ത്രാലയം ഉറപ്പ് നൽകിയതിനെ തുടർന്ന് ഗുസ്തി താരങ്ങൾ പ്രതിഷേധം അവസാനിപ്പിക്കാൻ സമ്മതിച്ചിരുന്നു.
കായിക മന്ത്രി അനുരാഗ് താക്കൂറുമായി താരങ്ങൾ വെള്ളിയാഴ്‌ച അദ്ദേഹത്തിന്റെ വസതിയിൽ രണ്ട് തവണ കൂടിക്കാഴ്‌ച നടത്തിയിരുന്നു. അതേസമയം ശനിയാഴ്‌ച ഡബ്ല്യുഎഫ്‌ഐ, അതിന്റെ പ്രസിഡന്റ് ബ്രിജ് ഭൂഷൺ ശരൺ സിംഗിനും, ഫെഡറേഷനും എതിരെ ഉന്നയിച്ച ലൈംഗികാതിക്രമം ഉൾപ്പെടെയുള്ള എല്ലാ ആരോപണങ്ങളും നിഷേധിച്ചിരുന്നു. സംഘടനയിൽ സ്വേച്ഛാധിപത്യത്തിനും കെടുകാര്യസ്ഥതയ്ക്കും സ്ഥാനമില്ലെന്നും അവകാശപ്പെട്ടിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
