റാന്നി : മന്ദിരം പാലച്ചുവട്ടിൽ ബസും ലോറിയും കൂട്ടിമുട്ടി 20 ഓളം യാത്രക്കാർക്ക് പരിക്ക്. വടശ്ശേരിക്കരയില്‍ നിന്നും റാന്നിക്ക് പുറപ്പെട്ട ബസ് 10.15 നാണ് അപകടത്തിൽ പെട്ടത്. മന്ദിരം സബ്ബ് സ്റ്റേഷനു സമീപമാണ് അപകടം ഉണ്ടായത്. പരിക്കേറ്റവരെ റാന്നി താലൂക്ക് ആശുപത്രിയിൽ പ്രവേശിപ്പിച്ചു. ലോറി ഡ്രൈവർ ഉറങ്ങിയതാണ് അപകടകാരണമെന്ന് സംശയം. സംഭവസ്ഥലത്ത് റാന്നി പോലീസും അഗ്നിശമന സേനയും നാട്ടുകാരും ചേര്‍ന്ന് രക്ഷാപ്രവര്‍ത്തനം നടത്തി. ഒരു മണിക്കൂറോളം നേരം റോഡില്‍ ഗതാഗതം തടസപ്പെട്ടു.
