ഹൈദരാബാദ് : ബിസിനസുകാരനെ പോലീസ് സ്റ്റേഷന് മുന്നിലിട്ട് വെട്ടിക്കൊന്നു. ബിസിനസുകാരനായ സുബൈദി (36) നെയാണ് ക്രൂരമായി കൊലപ്പെടുത്തിയത്. ഹൈദരാബാദ് ചന്ദ്രയാനഗുട്ട പോലീസ് സ്റ്റേഷന് സമീപമാണ് സംഭവം നടന്നത്. കാറില്‍ നിന്ന് വലിച്ചിറക്കി സുബൈദിനെ വെട്ടിക്കൊലപ്പെടുത്തുകയായിരുന്നു.പോലീസുകാരോ വഴിയാത്രക്കാരോ ബിസിനസുകാരനെ രക്ഷിക്കാന്‍ തയ്യാറായില്ലെന്നാണ് റിപ്പോര്‍ട്ട്. കൊലപാതകശേഷം ഉടന്‍തന്നെ അക്രമിസംഘം സ്ഥലത്ത് നിന്ന് കടന്നുകളഞ്ഞു.
കൊലപാതകത്തില്‍ സുബൈദിയുടെ സഹോദരന്മാര്‍ക്ക് പങ്കുണ്ടെന്നും റിപ്പോര്‍ട്ടുണ്ട്. സഹോദരങ്ങള്‍ക്കിടയിലുണ്ടായ സാമ്പത്തിക തര്‍ക്കമാണ് കൊലപാതകത്തില്‍ കലാശിച്ചതെന്നാണ് പോലീസിന്റെ നിഗമനം. പ്രതികളെ പിടികൂടുന്നതിനായി പ്രത്യേക അന്വേഷണ സംഘത്തിന് രൂപം നല്‍കിയതായി പോലീസ് അറിയിച്ചു. അതേസമയം ബിസിനസുകാരനെ രക്ഷിക്കാന്‍ പരജായപ്പെട്ടു എന്ന കാരണം ചൂണ്ടിക്കാട്ടിയാണ് ചന്ദ്രയാന്‍ഗുട്ട പോലീസ് സ്റ്റേഷനിലെ എസ്‌ഐയെ സസ്‌പെന്‍ഡ് ചെയ്തു.
