തിരുവനന്തപുരം: തലസ്ഥാനത്ത് വീണ്ടും കഞ്ചാവുവേട്ട. രണ്ട് കാറുകളില് കടത്താന് ശ്രമിച്ച 200 കിലോ കഞ്ചാവാണ് ബാലരാമപുരത്തിന് സമീപത്തുവെച്ച് എക്സൈസ് എന്ഫോഴ്സ്മെന്റ് സ്ക്വാഡ് പിന്തുടര്ന്ന് പിടികൂടിയത്. ആന്ധ്രയില് നിന്ന് തിരുവനന്തപുരത്തേക്ക് കൊണ്ടുവന്നതാണ് കഞ്ചാവ്.
എക്സൈസ് സംഘം വാഹനം കുറുകെയിട്ട് തടഞ്ഞതോടെ കഞ്ചാവുകടത്തുകയായിരുന്ന കാറുകള് ഡിവൈഡറിലിടിച്ച് നിന്നു. എക്സൈസുകാരെ ആക്രമിച്ച് കാര് വീണ്ടും മുന്നോട്ടെടുക്കാന് ശ്രമിച്ചെങ്കിലും മല്പ്പിടിത്തത്തിലൂടെ രണ്ട് പേരെ എക്സൈസ് സംഘം കീഴടക്കുകയായിരുന്നു. മറ്റുളളവര് ഓടി രക്ഷപ്പെട്ടു. ജോമിസ്,സുരേഷ് എന്നിവരാണ് എക്സൈസ് കസ്റ്റഡിയിലുളളത്. ഇവര് തിരുവനന്തപുരം സ്വദേശികളാണ് എന്നാണ് റിപ്പോര്ട്ട്. എക്സൈസ് എന്ഫോഴ്സ്മെന്റ് സി.ഐ.അനികുമാറിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
