ആലപ്പുഴ : ബാത്ത് റൂമിന് മുകളില്‍ കഞ്ചാവ് ചെടികള്‍ നട്ടുവളര്‍ത്തിയ യുവാവ് പിടിയില്‍. കടക്കരപ്പള്ളി പഞ്ചായത്ത് 11-ാം വാര്‍ഡില്‍ തൈക്കല്‍ ഉമാപറമ്പില്‍ പ്രേംജിത്ത് (25) ആണ് പിടിയിലായത്. ഉപയോഗിക്കാന്‍ വാങ്ങിയ കഞ്ചാവ് മുളപ്പിച്ചാണ് ഇയാള്‍ ചെടികളുണ്ടാക്കിയത് എന്ന് എക്‌സൈസ് അധികൃതര്‍ അറിയിച്ചു. വീടിന് സമീപത്തുള്ള ബാത്ത്‌റൂമിന് മുകളിലാണ് കഞ്ചാവ് ചെടികള്‍ വളര്‍ത്തിയത്. മൂന്ന് വര്‍ഷമായി യുവാവ് സ്ഥിരം കഞ്ചാവ് ഉപയോഗിക്കുന്നുണ്ട്.
ഇങ്ങനെ ഉപയോഗിക്കാന്‍ വാങ്ങിയ കഞ്ചാവ് ഗ്രോബാഗില്‍ വെച്ച്‌ മുളപ്പിച്ചാണ് ചെടികളുണ്ടാക്കിയത്. നാല് മാസത്തോളം പ്രായമുള്ള കഞ്ചാവ് ചെടികള്‍ക്ക് 200 സെന്റിമീറ്റര്‍ ഉയരമുണ്ട്.എക്‌സൈസ് ചേര്‍ത്തല റേഞ്ച് ഇന്‍സ്പ്ക്ടര്‍ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. കോടതിയില്‍ ഹാജരാക്കിയ പ്രേംജിത്തിനെ റിമാന്‍ഡ് ചെയ്തു.
