കണ്ണൂര്: കോര്പറേഷന് മേയര് സുമ ബാലകൃഷ്ണനെ മര്ദിച്ചതില് പ്രതിഷേധിച്ച് യു.ഡി.എഫ് ജില്ല കമ്മിറ്റിയുടെ നേതൃത്വത്തില് വ്യാഴാഴ്ച കണ്ണൂരില് ഹര്ത്താല്. കോര്പറേഷന് കൗണ്സില് യോഗത്തിന് തൊട്ട് മുമ്പ് എത്തിയ പ്രതിപക്ഷ കൗണ്സിലര്മാര് മേയറെ ഓഫിസില് നിന്ന് പുറത്തിറങ്ങാന് വിടാതെ കൗണ്സില് ഹാളിലേക്കുള്ള വാതില് അടക്കുകയായിരുന്നു. ഇതിനിടയിലാണ് അടിയന്തിര കൗണ്സില് ഇന്ന് രാവിലെ വിളിച്ചുചേര്ത്തത്.
യോഗത്തിന് ശേഷം വിഷയം ചര്ച്ച ചെയ്യാമെന്ന് മേയര് അറിയിച്ചതോടെയാണ് മുദ്രാവാക്യം വിളിയും കയ്യേറ്റവും നടന്നത്. മേയറെ ഓഫിസില് പൂട്ടിയിട്ട് പ്രതിപക്ഷ കൗണ്സിലര്മാര് മര്ദ്ദിച്ചെന്നാണ് ആരോപണം. കുഴഞ്ഞുവീണ മേയറെ കണ്ണൂര് ജില്ല ആശുപത്രിയില് പ്രവേശിപ്പിച്ചു. രാവിലെ ആറുമുതല് ഉച്ചവരെ കോര്പറേഷന് പരിധിയിലാണ് ഹര്ത്താല്.
