പത്തനംതിട്ട : കുമ്പഴയില് ചരക്ക് ലോറി സ്കൂട്ടറില് ഇടിച്ച് വീട്ടമ്മയ്ക്ക് ദാരുണാന്ത്യം. കോന്നി പുളിമുക്ക് ഉഷാ ഭവനത്തില് ഉഷാ കുമാരി (59) ആണ് മരിച്ചത്. ഇന്ന് രാവിലെ ആറരയോടെ കുമ്പഴ ജംഗ്ഷനില് ആയിരുന്നു അപകടം. ഭര്ത്താവ് സുരേന്ദ്രന് ഒപ്പം മലയാലപ്പുഴ ദേവീക്ഷേത്രത്തില് ദര്ശനം നടത്തി തിരികെ വരുമ്പോഴാണ് അപകടം നടന്നത്. സ്കൂട്ടര് മലയാലപ്പുഴ റോഡില് നിന്നും സംസ്ഥാന പാതയിലേക്ക് കയറുന്നതിനിടെ പുനലൂര് ഭാഗത്തുനിന്നും റാന്നി റോഡിലേക്ക് ചരക്കുമായി പോയ ലോറി ഇടിക്കുകയായിരുന്നു. അപകടത്തില് തെറിച്ചുവീണ ഉഷയുടെ ശരീരത്തിലൂടെ ലോറി കയറി ഇറങ്ങുകയായിരുന്നുവെന്ന് ദൃക്സാക്ഷികള് പറയുന്നു. വീട്ടമ്മയുടെ ഇടത് കൈ പൂര്ണ്ണമായി തകര്ന്നുപോയിരുന്നു. ഇവര് സംഭവ സ്ഥലത്ത് വെച്ച് തന്നെ മരണപ്പെട്ടു. സ്കൂട്ടര് യാത്രക്കാരായ ഇരുവരും ഹെല്മെറ്റ് ധരിച്ചിരുന്നു. ഭര്ത്താവ് സുരേന്ദ്രന്റെ പരിക്ക് ഗുരുതരമല്ല. പത്തനംതിട്ട പോലീസ് സ്ഥലത്തെത്തി നടപടികള് സ്വീകരിച്ചു. മൃതദേഹം പോസ്റ്റ്മോര്ട്ടം നടപടികള്ക്കായി മോര്ച്ചറിയിലേക്ക് മാറ്റി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
