കറുകച്ചാല്‍ : കാറും സ്കൂട്ടറും കൂട്ടിയിടിച്ചുണ്ടായ അപകടത്തില്‍ മധ്യവയസ്കനു പരിക്ക്.വാകത്താനം പുന്നശേരി സണ്ണി (59)ക്കാണ് പരിക്കേറ്റത്. കറുകച്ചാല്‍ നെത്തല്ലൂരിനു സമീപം ചമ്പക്കരപള്ളി ഭാഗത്താണ് അപകടം നടന്നത്. വാഴൂര്‍ ഭാഗത്തേയ്ക്ക് പോയ കാറും കറുകച്ചാല്‍ ഭാഗത്തേയ്ക്ക് വന്ന സ്കൂട്ടറുമാണ് അപകടത്തില്‍പ്പെട്ടത്. അപകടത്തില്‍ പരിക്കേറ്റ സ്കൂട്ടര്‍ യാത്രക്കാരനെ കറുകച്ചാലിലെ സ്വകാര്യ ആശുപത്രിയില്‍ പ്രവേശിപ്പിച്ചു. കറുകച്ചാല്‍ പോലീസ് മേല്‍നടപടികള്‍ സ്വീകരിച്ചു.
