കോട്ടയം : ഡിസിസി അധ്യക്ഷന്‍ നാട്ടകം സുരേഷിനെതിരെ ചിങ്ങവനം പോലീസ് കേസെടുത്തു. സിപിഎം ജില്ലാ സമ്മേളനവുമായി ബന്ധപ്പെട്ട കൊടി തോരണങ്ങള്‍ നശിപ്പിച്ച സംഭവത്തില്‍ ആണ് കേസ്. സിപിഎം പ്രാദേശിക നേതാക്കളുടെ പരാതിയുടെ അടിസ്ഥാനത്തിലാണ് കേസ്. മൂലേടം ദിവാന്‍ കവലയില്‍ സ്ഥാപിച്ച കൊടിതോരണങ്ങള്‍ ആണ് 13 ന് പുലര്‍ച്ചെ നശിപ്പിക്കപ്പെട്ടത്.
കേസില്‍ യൂത്ത് കോണ്‍ഗ്രസ് നേതാവ് രാഹുല്‍ മറിയപ്പള്ളിയെ നേരത്തെ അറസ്റ്റ് ചെയ്ത് ജാമ്യത്തില്‍ വിട്ടിരുന്നു. ദിവാന്‍ കവലയിലെ ഇന്ദിരാഗാന്ധി രക്തസാക്ഷി മണ്ഡപത്തിന് മുന്നില്‍ സ്ഥാപിച്ച കൊടി തോരണങ്ങള്‍ എടുത്ത് മാറ്റുക മാത്രമാണ് ചെയ്തതെന്ന് ഡിസിസി പ്രസിഡന്റ് നാട്ടകം സുരേഷ് വ്യക്തമാക്കി.
