ന്യൂഡൽഹി: വിമാനത്തിൽ യാത്രക്കാരിയുടെ ദേഹത്ത് മൂത്രമൊഴിച്ച യാത്രക്കാരനെതിരെ കേസ്. ഡൽഹി പോലീസാണ് എഫ്.ഐ.ആർ രജിസ്റ്റർ ചെയ്തത്. സ്ത്രീത്വത്തിനെതിരായ അതിക്രമം, അശ്ലീല പ്രവൃത്തി, അപമര്യാദയായി പെരുമാറുക തുടങ്ങിയ കുറ്റങ്ങൾ ചുമത്തിയാണ് ഇയാൾക്കെതിരെ കേസ് രജിസ്റ്റർ ചെയ്തതെന്നും പ്രതിക്കായി അന്വേഷണം ആരംഭിച്ചതായും ഡൽഹി പോലീസ് അറിയിച്ചു. നവംബർ 26ന് ന്യൂയോർക്കിലെ ജോൺ എഫ് കെന്നഡി ഇന്റർനാഷണൽ എയർപോർട്ടിൽ നിന്ന് ഡൽഹിയിലേക്ക് വിമാനം പോകുന്നതിനിടെയായിരുന്നു സംഭവം. ഉച്ചയ്ക്ക് ആഹാരം നൽകിയ ശേഷം മദ്യലഹരിയിലായിരുന്ന യാത്രക്കാരൻ സീറ്റിനടുത്തേക്ക് വന്നശേഷം ദേഹത്തേക്ക് മൂത്രം ഒഴിക്കുകയായിരുന്നെന്നാണ് പരാതി.
മുംബൈയിൽ കുടുംബത്തോടൊപ്പം താമസിക്കുന്ന 35-40 വയസുള്ള ബിസിനസുകാരനാണ് പ്രതിയെന്നാണ് ബന്ധപ്പെട്ട വൃത്തങ്ങൾ പറയുന്നത്. സംഭവത്തിൽ ഡയറക്ടർ ജനറൽ ഓഫ് സിവിൽ ഏവിയേഷൻ എയർ ഇന്ത്യയോട് റിപ്പോർട്ട് തേടിയിട്ടുണ്ട്. സംഭവം നടന്ന് ഒന്നര മാസം ആകാനിരിക്കെയാണ് വിഷയത്തിൽ പൊലീസ് നടപടിയുണ്ടാവുന്നത്.
“ഡിസംബർ 28 നാണ് എയർലൈനിൽ നിന്ന് ഞങ്ങൾക്ക് വിവരം ലഭിക്കുന്നത്. യാത്രക്കാരിയുടെ പരാതി ഒരു മാസം അവർ മൂടിവച്ചു. ഇതിനിടെ നഷ്ടപരിഹാരം സംബന്ധിച്ച് ചർച്ചകൾ നടന്നെങ്കിലും പരാതിക്കാരി അത് നിരസിച്ചു. സംഭവത്തിൽ യാത്രക്കാരി ഞങ്ങൾക്ക് അപൂർണമായ പരാതി നൽകിയിരുന്നു. തുടർന്ന് സ്ത്രീയുമായി ബന്ധപ്പെട്ടപ്പോൾ, അവർ ഡൽഹിയിൽ ഇല്ലെന്നു പറഞ്ഞു. എയർലൈനിൽ നിന്ന് പരാതി സ്വീകരിക്കാൻ അവർ ഞങ്ങളോട് പറയുകയും ചെയ്തു”- ഒരു മുതിർന്ന പോലീസ് ഉദ്യോഗസ്ഥൻ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
