കൊച്ചി : കൊച്ചി പോര്ട്ട് ട്രസ്റ്റ് ഡെപ്യൂട്ടി ചെയര്മാനെതിരെ സിബിഐ കേസെടുത്തു. ഡെപ്യൂട്ടി ചെയര്മാന് സിറില് സി ജോര്ജിനെതിരെയാണ് കേസെടുത്തത്. വരവില് കൂടുതല് സ്വത്ത് സമ്പാദിച്ചതിന്റെ പേരിലാണ് കേസ് എടുത്തിരിക്കുന്നത്.
കൊച്ചി പോര്ട്ട് ട്രസ്റ്റ് സെക്രട്ടറിയായിരുന്ന 2004-2013 കാലയളവില് 90,73,582 രൂപ അനധികൃതമായി സമ്പാദിച്ചുവെന്നാണ് കേസ്. ഒക്ടോബര് 26 ന് സിബിഐ കൊച്ചി യൂണിറ്റ് സിറില് സി ജോര്ജിനെതിരെ എഫ്ഐആര് രജിസ്റ്റര് ചെയ്തിരുന്നു. ഇതിന് പിന്നാലെ ഇദ്ദേഹത്തിന്റെ ഓഫീസിലും വീട്ടിലും നടത്തിയ റെയ്ഡില് വിവിധ രേഖകള് സിബിഐ സംഘം പിടിച്ചെടുത്തിരുന്നു. സിറില് സി ജോര്ജ് സമ്പാദിച്ചിരിക്കുന്ന സ്വത്തുക്കള് വരുമാനത്തേക്കാള് 120 ശതമാനം കൂടുതലാണെന്നാണ് സിബിഐയുടെ കണ്ടെത്തല് അഴിമതി നിരോധന നിയമപ്രകാരമാണ് സിറില് സി ജോര്ജിനെതിരെ കേസെടുത്തിരിക്കുന്നത്.
