തൃശൂര്: ഹോട്ടലിന്റെ മറവില് വെള്ളിക്കുളങ്ങരയില് ചാരായവില്പ്പന. ഇതിനു നേതൃത്വം നല്കിയ വെള്ളിക്കുളങ്ങര മോനടി കിഴക്കേപുരയ്ക്കല് ഗോപന് (49) അറസ്റ്റില്. തൃശൂര് എക്സൈസ് സ്പെഷല് സ്ക്വാഡാണ് നടപടിയെടുത്തത്. വെള്ളികുളങ്ങരയില് പ്രവര്ത്തിക്കുന്ന വിഷ്ണുമായ ഹോട്ടലിന്റെ അടുക്കളയില്നിന്നു 100 ലിറ്റര് വാഷും ഒരു ലിറ്റര് ചാരായവും കണ്ടെടുത്തു.
ഹോട്ടലിന്റെ മറവില് ചാരായം വാറ്റി വില്പ്പന നടത്തുകയായിരുന്നു.
തൃശൂര് എക്സൈസ് ആന്ഡ് ആന്റി നാര്കോട്ടിക് സ്പെഷല് സ്ക്വാഡ് സര്ക്കിള് ഇന്സ്പെക്ടര് പി. ജുനൈദിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു തെരച്ചില്. പ്രിവന്റിവ് ഓഫീസര് എം.ഒ. അബ്ദഗലിയുടെ നേതൃത്വത്തില് നടത്തിയ പരിശോധനയില് ചാരായവും വാഷും പിടികൂടി. പ്രതിയെ കോടതിയില് ഹാജരാക്കി റിമാന്റ് ചെയ്തു. പ്രിവന്റിവ് ഓഫീസര് എം.എം. മനോജ്കുമാര്, സിവില് എക്സൈസ് ഓഫീസര്മാരായ അനില്പ്രസാദ്, സനീഷ് കുമാര് എന്നിവര് അന്വേഷണസംഘത്തിലുണ്ടായിരുന്നു.