ചെങ്ങന്നൂർ: കല്ലിശ്ശേരി ഗവ.ഹയർ സെക്കണ്ടറി സ്കൂളിൽ 1989 ൽ പഠിച്ചിറങ്ങിയ വിദ്ധ്യാർത്ഥികളാണ് തങ്ങൾക്കൊപ്പം പഠിച്ച ലതാ സുരേഷിന് കൈത്താങ്ങായത്. ഗവ.എച്ച്.എസ് 1989 കല്ലിശേരി എന്ന വാട്ട്സാപ്പ് ഗ്രൂപ്പിലൂടെയാണ് പൂര്‍വ വിദ്യാര്‍ത്ഥികള്‍ ഒത്തുകൂടിയതും രോഗിയും സ്വന്തമായി കിടപ്പാടം പോലും ഇല്ലാത്ത അവസ്ഥയിൽ സഹപാഠിയായ ലതാ സുരേഷിനെ കണ്ടെത്തിയതും. ലതയുടെ ചികിത്സക്കും മറ്റുമായി സഹപാഠികൾ ചേർന്ന് സ്വരൂപിച്ച 167500/- രൂപാ കൊല്ലം കുണ്ടറയിലെ കൈതകോടി – കരിക്കടവിള പടിഞ്ഞാറ്റേതിൽ വീട്ടിലെത്തി കൈമാറി. വിവാഹിതയും ഒരു കുട്ടിയുടെ മാതാവുമാണ് ലത.
