കൊല്ലം: കൊട്ടാരക്കരയില്‍ ചാരായം നിര്‍മ്മിച്ച്‌ വില്പന നടത്തിയ നാല് പേര്‍ അറസ്റ്റില്‍. പനവേലി ഇരണൂര്‍ സ്വദേശികളായ സതീഷ്(37), രാജേഷ്(32), ബിനുകുമാര്‍(45), ബേബി(51) എന്നിവരെയാണ് കൊട്ടാരക്കര പോലീസ് പിടികൂടിയത്. പ്രതികളില്‍ നിന്നും 2.5 ലിറ്റര്‍ ചാരായവും ഇത് സൂക്ഷിച്ചിരുന്ന കെ.എല്‍-24.എസ്-7177 നമ്പര്‍ ഓട്ടോറിക്ഷയും പോലീസ് കസ്റ്റഡിയിലെടുത്തു.
ലോക്ക് ഡൗണ്‍ നിയന്ത്രണങ്ങളുടെ ഭാഗമായി മദ്യവില്പന സര്‍ക്കാര്‍ നിരോധിച്ചതോടെയാണ് വ്യാജ മദ്യ നിര്‍മ്മാണം വ്യാപകമായി നടക്കുന്നത്. രഹസ്യ വിവരത്തെ തുടര്‍ന്നുള്ള അന്വേഷണത്തിലാണ് പ്രതികള്‍ പിടിയിലായതെന്ന് പോലീസ് അറിയിച്ചു. കൊട്ടാരക്കര സി ഐ യുടെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
