ചെങ്ങരൂർ: സെന്റ് ജോർജ്ജ് ഓർത്തഡോക്സ് പള്ളിയിൽ വിശുദ്ധ ഗീവർഗീസ് സഹദായുടെ 143-ാമത് ഓർമ്മപെരുന്നാളിനു കൊടിയേറി. വികാരി ഫാ. ജിനു ചാക്കോ കൊടിയേറ്റി. സഹവികാരി ഫാ. റെജിൻ സി ചാക്കോ, ഫാ. ലിജോമോൻ മാത്യൂസ് ചാമത്തിൽ എന്നിവർ പങ്കെടുത്തു. 9 ന് വൈകിട്ട് 07:30 ന് മടുക്കോലി കുരിശടിയിൽ ഫാ. വർഗീസ് പി. ചെറിയാൻ പ്രസംഗിക്കും. തുടർന്ന് പള്ളിയിലേക്ക് റാസ. 9:30 ആശീർവാദം, മേളകാഴ്ച. പ്രധാന പെരുന്നാളായ 10 ന് രാവിലെ 5.15 ന് വിശുദ്ധ കുർബാന. 7.30 ന് സുൽത്താൻ ബത്തേരി ഭദ്രാസന മെത്രാപ്പോലീത്ത ഡോ. ഗീവർഗീസ് മാർ ബർണബാസിൻ്റെ മുഖ്യകാർമികത്വത്തിൽ വിശുദ്ധ മൂന്നിന്മേൽ കുർബാന, തുടർന്ന് ശ്ലൈഹീക വാഴ്വ് നേർച്ചവിളമ്പ്. വൈകിട്ട് 7 ന് വചന പ്രഘോഷണം കുന്നന്താനം കുരിശടിയിൽ ഫാ. ബബിൻ ബാബു. തുടർന്ന് പള്ളിയിലേക്ക് ഭക്തിനിർഭരമായ റാസ.
11 ന് രാവിലെ 7.30ന് ഇടവകയിലെ പട്ടക്കാരുടെ കാർമികത്വത്തിൽ വിശുദ്ധ മൂന്നിന്മേൽ കുർബ്ബാന. വൈകുന്നേരം 3 ന് ആമ്പല്ലൂർ സണ്ടേസ്കൂൾ അങ്കണത്തിൽ പ്രസംഗം ഫാ. റ്റിജോ വർഗീസ്, തുടർന്ന് റാസ, ആശീർവാദം. 12 ന് 6.45 ന് പ്രഭാത നമസ്കാരത്തെ തുടർന്ന് ഡോ. യൂഹാനോൻ മാർ ക്രിസോസ്റ്റമോസിൻ്റെ കാർമികത്വത്തിൽ വിശുദ്ധ കുർബാന. തുടർന്ന് സൺഡേ സ്കൂൾ കുട്ടികളുടെ പരിപാടി മാലാഖക്കൂട്ടം ഫാ. സജി മേക്കാട്ട് നേതൃത്വം നൽകും. 5.15 ന് കൊടിയിറക്ക്. 7ന് നാടകം. വികാരി ഫാ. ജിനു ചാക്കോ, സഹവികാരി ഫാ. റെജീൻ സി ചാക്കോ , ട്രസ്റ്റി രാജൻ എബ്രഹാം, സെക്രട്ടറി ലിയോ ജേക്കബ് ജോയ് , പെരുന്നാൾ കൺവീനർ മാത്തുക്കുട്ടി വർഗീസ് എന്നിവരുടെ നേതൃത്വത്തിൽ കമ്മറ്റി പെരുന്നാൾ ചടങ്ങുകൾക്ക് നേതൃത്വം വഹിക്കുന്നു.