പങ്കജ്പൂര്: ഡാമില് വീണ വില കൂടിയ ഫോണ് വീണ്ടെടുക്കുന്നതിനായി 21 ലക്ഷം ലിറ്റര് വെള്ളം വറ്റിക്കാന് കീഴുദ്യോഗസ്ഥന് വാക്കാല് അനുമതി നല്കിയ സംഭവത്തില് മേലുദ്യോഗസ്ഥനെതിരെയും നടപടി. പാഴാക്കിയ വെള്ളത്തിനു തുല്യമായ പണം മേലുദ്യോഗസ്ഥനില്നിന്ന് ഈടാക്കാനാണ് ഉത്തരവ്. ഛത്തീസ്ഗഡിലെ പങ്കജ്പൂരില് സംഭരണിയിലെ ജലമാണ് പാഴാക്കിയത്.
ഈ തുക ശമ്പളത്തില്നിന്ന് പിടിക്കാനും സബ് ഡിവിഷണല് ഓഫീസര് ആര്.കെ. ധിവാറിന് ഇന്ദ്രാവതി പ്രോജക്ട് സൂപ്രണ്ട് എന്ജിനീയര് എഴുതിയ കത്തില് ആവശ്യപ്പട്ടു. വേനല്ക്കാലത്ത് സംഭരണികളില് വെള്ളമുണ്ടായിരിക്കേണ്ട ആവശ്യകതയും കത്തില് ചൂണ്ടിക്കാട്ടി. അതേ സമയം, വിലകൂടിയ മൊബൈല് ഫോണ് വെള്ളത്തില് വീണതിനെത്തുടര്ന്ന് അണക്കെട്ടിലെ വെള്ളം വറ്റിച്ച സര്ക്കാര് ഉദ്യോഗസ്ഥനെ സസ്പെന്ഡ് ചെയ്തു.
