കൊച്ചി : ലൈഫ്മിഷന് കോഴയിടപാടില് മുഖ്യമന്ത്രിയുടെ അഡീഷനല് പ്രൈവറ്റ് സെക്രട്ടറി സി.എം.രവീന്ദ്രന് എന്ഫോഴ്സ്മെന്റ് ഡയറക്ടറേറ്റിന് മുന്നില് ഇന്ന് ഹാജരാകില്ല. രവീന്ദ്രൻ രാവിലെ നിയമസഭയിലെ ഓഫീസിലെത്തി. രാവിലെ പത്ത് മണിക്ക് കൊച്ചി ഓഫിസില് ഹാജരാകാന് ആവശ്യപ്പെട്ട് കഴിഞ്ഞ ആഴ്ചയാണ് നോട്ടിസ് നല്കിയത്. ലൈഫ് മിഷന് പദ്ധതിയിലും കോഴയിടപാടിലും സി.എം. രവീന്ദ്രന്റെ പങ്ക് സംശയിക്കാവുന്ന തെളിവുകള് കൂടി ലഭിച്ച സാഹചര്യത്തിലായിരുന്നു ഇഡിയുടെ നീക്കം. പദ്ധതിയെ കുറിച്ചും നിര്മാണ കരാര് യൂണിടാക്കിന് കൈമാറിയതുള്പ്പെടെ സി.എം. രവീന്ദ്രന്റെ അറിവോടെയാണെന്ന് സ്വപ്നയും ഇഡിക്ക് മൊഴി നല്കിയിട്ടുണ്ട്. ധാരണപാത്രം ഒപ്പിടുന്നതിന് രണ്ട് ദിവസം മുന്പ് എം. ശിവശങ്കറും സ്വപ്നയും നടത്തിയ വാട്സാപ് ചാറ്റിലും രവീന്ദ്രനെ കുറിച്ച് പരാമര്ശമുണ്ട്.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
