ബെയ്ജിംഗ്: ചൈനീസ് ടെലകോം ഭീമനായ വാവേയുടെ ഗവേഷണ കേന്ദ്രത്തില് തീപിടുത്തം. തെക്കന് ചൈനീസ് നഗരമായ ഡോന്ഗുവാനിലെ കേന്ദ്രത്തിലാണ് അപകടം ഉണ്ടായത്. വന് തീപിടുത്തമാണ് ഉണ്ടായതെന്നും മൂന്ന് പേര് മരിച്ചെന്നുമാണ് വിവരം. ഇന്നലെ രാത്രിയാണ് തീപിടുത്തം ഉണ്ടായത്. അപകടത്തിന്റെ കാരണം എന്താണെന്ന് വ്യക്തമല്ല. സംഭവത്തില് അന്വേഷണം ആരംഭിച്ചിരിക്കുകയാണ്.
സോങ്ഷാന് ലേക്ക് ഇന്ഡസ്ട്രിയല് ഡെവലപ്മെന്റ് സോണിലാണ് കെട്ടിടമുള്ളത്. ഇന്ഡസ്ട്രിയല് പാര്ക്ക് നിര്മ്മാണ കമ്പനിയുടെ തൊഴിലാളികളാണ് മരിച്ച മൂന്നു പേരും. കെട്ടിടത്തില് നിന്നും എല്ലാവരെയും ഒഴിപ്പിച്ചുവെന്ന് അധികൃതര് അറിയിച്ചു.
