പത്തനംതിട്ട : അയ്യന്റെ തിരുസന്നിധിയില്‍ ചിന്തുപാട്ടാരവം തീര്‍ത്ത് ശ്രീഹരിചന്ദ്ര ശാസ്താംപാട്ട് സംഘം. സന്നിധാനത്തെ ശാസ്താ ഓഡിറ്റോറിയത്തില്‍ നാട്ടിന്‍പുറങ്ങളിലെ അയ്യപ്പന്‍ വിളക്കാഘോഷങ്ങളിലെ പ്രധാനിയായ ചിന്തുപാട്ടായിരുന്നു ഇന്ന് ഭക്തരുടെ മനം കവര്‍ന്നത്. മണ്ഡലകാലം ആരംഭിച്ചതോടെ പതിവുപോലെ വിവിധ തനിമയാര്‍ന്ന കലാസാംസ്‌കാരിക പരിപാടികളാണ് ശബരിമലയില്‍ അരങ്ങേറുന്നത്. പെരുമ്പാവൂര്‍ കോടനാടിലെ സംഘമാണ് അവതരണം. പന്ത്രണ്ട് വയസ്സുകാരന്‍ പ്രജിത്ത് ഉള്‍പ്പെടെ 15 പേരടങ്ങുന്ന സംഘമാണ് ചിന്തുപാട്ടുമായി എത്തിയത്. അയ്യപ്പന്റെ മുന്നില്‍ അവതരിപ്പിക്കാന്‍ അവസരം കിട്ടിയതില്‍ വളരെ സന്തുഷ്ടരാണ് ഞങ്ങളെന്ന് പാട്ടിനു നേതൃത്വം കൊടുക്കുന്ന സുജിത്ത് കെ.ഒ പറഞ്ഞു. ഇരുമുടികെട്ടി പതിനെട്ടാം പടി ചവിട്ടി അയ്യനെ കണ്ടശേഷമാണ് അവര്‍ മടങ്ങിയത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
