റാന്നി: ഫാ.ഡേവിസ് ചിറമ്മൽ ചാരിറ്റബിൾ ട്രസ്റ്റിന്‍റെ ആഭിമുഖ്യത്തിൽ റാന്നിയിലെ വിവിധ അഗതി മന്ദിരങ്ങളിലും ചിറമ്മൽ ചാരിറ്റബിൾ ട്രസ്റ്റ് റാന്നി ഭക്ഷ്യവസ്തുക്കൾ എത്തിച്ചു നൽകി. അയിരൂർ കർമ്മേൽ അഗതി മന്ദിരം, വെച്ചൂച്ചിറ-മണ്ണടിശ്ശാല മേഴ്സി ഹോം,അഞ്ചുകുഴിആകാശപ്പറവകളുടെ ദിവ്യകാരുണ്യാശ്രമം എന്നീ സ്ഥാപനങ്ങൾക്കുള്ള കിറ്റുകളുടെ വിതരണോദ്ഘാടനം റോയി മാത്യു മുളമൂട്ടിൽ കോർ-എപ്പിസ്കോപ്പാ നിർവഹിച്ചു.
ചാപ്റ്റർ ഡയറക്ടർ വർഗീസ് മത്തായി അദ്ധ്യക്ഷത വഹിച്ചു. ഫാ.ബെൻസി മാത്യു കിഴക്കേതിൽ, തോമസ്സ് മാമ്മൻ, ബോബി കിഴക്കേമുറി, ബ്രദർ ജോസഫ് കല്ലറയ്ക്കൽ, സിസ്റ്റർ തബീഥ, റ്റി.റ്റി.തമ്പി, അന്നമ്മ കുറിയാക്കോസ് എന്നിവർ പ്രസംഗിച്ചു.
