പത്തനംതിട്ട : 24 വര്ഷമായി കെനിയയില് ബിസിനസ് നടത്തിയിരുന്ന ലോണി റ്റൈറ്റസ് എന്ന തിരുവല്ല സ്വദേശിക്ക് ഇന്ത്യന് പൗരത്വം കൈമാറി. രാമന്ചിറ ചെറുകര വീട്ടില് ലോണി റ്റൈറ്റസ് എന്ന അന്പത്തൊമ്പതുകാരനാണ് കളക്ടറേറ്റില് ജില്ലാ കലക്ടര് പി.ബി.നൂഹ് പൗരത്വ രേഖ കൈമാറിയത്.
1982 കെനിയയില് ബിസിനസ് തുടങ്ങിയ ലോണി ബിസിനസ് ആവശ്യങ്ങള്ക്കായാണ് കെനിയന് പൗരത്വം സ്വീകരിച്ചത്. നീണ്ട പ്രവാസ ജീവിതം 2006-ല് അവസാനിപ്പിച്ച് നാട്ടിലെത്തിയതിനു ശേഷമാണ് ഇന്ത്യന് പൗരത്വത്തിനായി അപേക്ഷ നല്കിയത്. കഴിഞ്ഞ ദിവസമാണ് പൗരത്വം അനുവദിച്ച് ഉത്തരവിറങ്ങിയത്. ഭാര്യ മിനിയും മൂന്നു കുട്ടികളുമടങ്ങുന്നതാണു കുടുംബം.