പത്തനംതിട്ട : എല്.ഡി.എഫ് സര്ക്കാരിന്റെ പട്ടികജാതി വിരുദ്ധ നയങ്ങള്ക്കും വഞ്ചനയ്ക്കും എതിരെ ഭാരതീയ ജനതാ പാര്ട്ടി എസ്.സി മോര്ച്ച പത്തനംതിട്ട ജില്ല കമ്മറ്റിയുടെ നേതൃത്വത്തില് സിവില് സ്റ്റേഷനിലേക്ക് മാര്ച്ച് നടത്തി. ബി.ജെ.പി ജില്ലാ പ്രസിഡന്റ് അഡ്വ.വി.എ സൂരജ് ഉത്ഘാടനം ചെയ്തു. എസ്.സി മോര്ച്ച ജില്ലാ പ്രസിഡന്റ് സിബി മന്ദിരം അധ്യക്ഷത വഹിച്ചു. സലീം കുമാര് കല്ലേലി മുഖ്യ പ്രഭാഷണം നടത്തി. എസ്.സി മോര്ച്ച സംസ്ഥാന വൈസ് പ്രസിഡന്റ് രമേശ് കാവിമറ്റം, എസ്.സി മോര്ച്ച ജില്ലാ ജനറല് സെക്രട്ടറി വിനോദ് രാധാകൃഷന്, ജില്ലാ ജനറല് സെക്രട്ടറി രാജ് കുമാര് കുരമ്പാല, ജില്ലാ വൈസ് പ്രസിഡന്റ് പ്രകാശ് കൊടുമണ്, വൈസ് പ്രസിഡന്റ് രാജമ്മ കുട്ടപ്പന്, ജില്ല സെക്രട്ടറി സജീവ് കടമ്പനാട് തുടങ്ങിയവര് സംസാരിച്ചു.
പട്ടികജാതി വിദ്യാര്ഥികളുടെ മുഴുവന് ആനുകൂല്യങ്ങളും വിതരണം ചെയ്യുക, പട്ടികജാതി സ്പെഷ്യല് റീ ക്രൂട്ട്മെന്റ് പുനസ്ഥാപിക്കുക, സര്ക്കാര് നിയമനങ്ങളില് സംവരണം പാലിക്കുക, ഭൂ രഹിതര്ക്ക് വീട് നല്കുക, കേന്ദ്ര സര്ക്കാര് ഫണ്ടും പദ്ധതികളും വകമാറ്റി ചിലവഴിക്കുന്നത് അവസാനിപ്പിക്കുക, ഭൂമി, വീട്, വിദ്യാഭ്യാസം, തൊഴില് എന്നിവ അടങ്ങുന്ന വികസന പാക്കേജുകള് പ്രഖ്യാപിക്കുക തുടങ്ങിയ ആവശ്യങ്ങള് ഉന്നയിച്ചാണ് മാര്ച്ച് സംഘടിപ്പിച്ചത്.
