തിരുവനന്തപുരം: സ്പീക്കര് ഓഫീസ് ഉപരോധത്തിനിടെ വാച്ച് ആന്ഡ് വാര്ഡ് വലിച്ചിഴച്ചെന്ന ആരോപണവുമായി പ്രതിപക്ഷ അംഗങ്ങള്. ഒരു പ്രകോപനവുമില്ലാതെ വാച്ച് ആന്ഡ് വാര്ഡും ഭരണപക്ഷ അംഗങ്ങളും വന്ന് ക്രൂരമായ ആക്രമണമാണ് നടത്തിയതെന്ന് ഉപരോധത്തിനിടെ കുഴഞ്ഞുവീണ ചാലക്കുടി എം.എല്.എ സനീഷ് കുമാര് ആരോപിച്ചു. എംഎല്എമാരായ എച്ച്.സലാമും സച്ചിന്ദേവും പ്രതിപക്ഷ അംഗങ്ങളെ ചവിട്ടിയെന്ന് പ്രതിപക്ഷ നേതാവ് വി.ഡി.സതീശനും ചൂണ്ടിക്കാട്ടി.
കെ.കെ രമ, തിരുവഞ്ചൂര് രാധാകൃഷ്ണന് ഉള്പ്പെടെയുള്ളവരെ കൈയേറ്റം ചെയ്യുകയും ബൂട്ടിട്ട് ചവിട്ടി ക്രൂരമായി പെരുമാറിയെന്നും അദ്ദേഹം വ്യക്തമാക്കി. അടിയന്തിര പ്രമേയ നോട്ടീസ് അവതരിപ്പിക്കാന് പോലും അനുമതി നല്കുന്നില്ലെന്ന പരാതിയുമായാണ് പ്രതിപക്ഷം സ്പീക്കറുടെ ഓഫീസ് ഉപരോധിച്ചത്. പ്രതിഷേധത്തിനിടെ പ്രതിപക്ഷ എം.എല്.എമാരും വാച്ച് ആന്റ് വാര്ഡുമാരും തമ്മില് ഉന്തും തള്ളുമുണ്ടായി.
