വയനാട്; കോണ്ഗ്രസ് നേതാവ് രാഹുല്ഗാന്ധിയെ ലോക്സഭയില് നിന്ന് അയോഗ്യനാക്കിയതില് കോണ്ഗ്രസ് നടത്തിയ പ്രതിഷേധത്തിനിടയില് നേതാക്കളും പ്രവര്ത്തകരും തമ്മില് ഏറ്റുമുട്ടല്. വയനാട്ടില് നടന്ന പ്രതിഷേധ മാര്ച്ചിലാണ് നേതാക്കളും പ്രവര്ത്തകരും തമ്മില്ത്തല്ലിയത്. കല്പ്പറ്റ കനറാ ബാങ്ക് പരിസരത്തുനിന്ന് ഡിസിസി നേതാക്കളുടെ നേതൃത്വത്തില് പ്രതിഷേധ മാര്ച്ച് ആരംഭിച്ച ഉടനെയാണ് നേതാക്കളും പ്രവര്ത്തകരും പരസ്പരം ഏറ്റുമുട്ടിയത്. ടി സിദ്ദിഖ് എംഎല്എയുടെ ഓഫീസ് സെക്രട്ടറി സാലി റാട്ടക്കൊല്ലിയും കെപിസിസി അംഗം പിപി ആലിയും തമ്മിലാണ് സംഘര്ഷമുണ്ടായത്.
അതേസമയം ‘ഇന്ത്യയുടെ ശബ്ദത്തിനായാണ് ഞാന് പോരാടുന്നത്, അതിന് എന്തു വില നല്കാനും തയാര്’ രാഹുല് പറഞ്ഞു. സൂറത്ത് കോടതി തടവുശിക്ഷ വിധിച്ചതിന് പിന്നാലെയാണ് കോണ്ഗ്രസ് നേതാവ് രാഹുല് ഗാന്ധിയുടെ ലോക്സഭ അംഗത്വം റദ്ദാക്കിയത്.
