ഡല്ഹി: ഡല്ഹിയില് എട്ടാം ക്ലാസുകാരനെ കല്ല് കൊണ്ട് ഇടിച്ചുകൊന്നു. കൊലപാതകത്തിന് ശേഷം ഓടയിലേക്ക് വലിച്ചെറിഞ്ഞ മൃതദേഹം കണ്ടെത്തി. തെക്കുകിഴക്കന് ഡല്ഹിയിലാണ് സംഭവം. ഡല്ഹി മുന്സിപ്പല് കോര്പ്പറേഷന് നടത്തുന്ന സ്കൂളിലെ എട്ടാം ക്ലാസ് വിദ്യാര്ഥിയായ സൗരഭ് ആണ് മരിച്ചത്. രണ്ടുപേര് ചേര്ന്ന് 12 വയസുകാരനെ കൊലപ്പെടുത്തിയതായുള്ള വിവരം ലഭിച്ചതിന്റെ അടിസ്ഥാനത്തിലാണ് സംഭവ സ്ഥലത്ത് എത്തിയതെന്ന് പോലീസ് പറഞ്ഞു.
സിസിടിവി ദൃശ്യങ്ങളുടെ സഹായത്തോടെ പ്രതികളെ തിരിച്ചറിയാനുള്ള ശ്രമത്തിലാണ് പോലീസ്. സംഭവ സ്ഥലത്ത് നിന്ന് ടെക്സ്റ്റ് ബുക്കുകള് അടങ്ങിയ സ്കൂള് ബാഗ് കണ്ടെത്തി. കൂടാതെ കുട്ടിയെ കൊല്ലാന് ഉപയോഗിച്ചതെന്ന് കരുതുന്ന കല്ലുകളും കണ്ടെത്തിയതായി പോലീസ് പറഞ്ഞു. തലയ്ക്കേറ്റ പരിക്കാണ് മരണകാരണമെന്ന് പോലീസ് പറയുന്നു. മൂര്ച്ചയേറിയ വസ്തു ഉപയോഗിച്ചാണ് കുട്ടിയെ ആക്രമിച്ചത്. കണ്ടെത്തിയ രക്തം പുരണ്ട കല്ലുകള് ഉപയോഗിച്ചാകാം കൊലപാതകമെന്നാണ് പോലീസിന്റെ പ്രാഥമിക നിഗമനം.
