തിരുവനന്തപുരം: കൊട്ടാരക്കരയില് ഡോക്ടറെ കുത്തിക്കൊലപ്പെടുത്തിയ സംഭവത്തില് കിംസ് ആശുപത്രിയിലേക്ക് നേരിട്ടെത്തി മുഖ്യമന്ത്രിയും ഗവര്ണറും. തിരുവനന്തപുരം കിംസ് ആശുപത്രിയില് ചികിത്സയിലിരിക്കെയാണ് ഡോ.വന്ദന മരണത്തിന് കീഴടങ്ങിയത്. മുഖ്യമന്ത്രി പിണറായി വിജയന്, ഗവര്ണര് ആരിഫ് മുഹമ്മദ് ഖാന്, ആരോഗ്യമന്ത്രി വീണ ജോര്ജ്, സ്പീക്കര് എ എന് ഷംസീര്, മന്ത്രി വി എന് വാസവന് തുടങ്ങിയവരാണ് കിംസിലേക്ക് എത്തിയത്. മരിച്ച വന്ദനയുടെ കുടുംബാംഗങ്ങളും ആശുപത്രിയിലെത്തിയിട്ടുണ്ട്. ആശുപത്രിയില് വന്ദനയുടെ മാതാപിതാക്കളെ മന്ത്രിമാര് ആശ്വസിപ്പിച്ചു.
നിലവില് ഇന്ക്വസ്റ്റ് നടപടികള് പുരോഗമിക്കുകയാണ്. അതിനുശേഷം പോസ്റ്റ്മോര്ട്ടം നടപടികളിലേക്ക് കടക്കും. പോസ്റ്റ്മോര്ട്ടം നടപടികള്ക്കു ശേഷം മൃതദേഹം ബന്ധുക്കള്ക്ക് വിട്ടുനല്കും.
