തിരുവനന്തപുരം: ബി.ജി.പി നേതാവ് എ.എന്.രാധാകൃഷ്ണന്റെ പ്രസ്താവന, ക്രമത്തില് നടക്കുന്ന അന്വേഷണം സര്ക്കാര് ഇടപെട്ട് അവസാനിപ്പിക്കണമെന്ന അര്ത്ഥത്തില് ഉള്ളതെന്ന് മുഖ്യമന്ത്രി പിണറായി വിജയന്. സര്ക്കാര് ഇടപെട്ട് അവസാനിപ്പിച്ചോണം അല്ലെങ്കില് വരുന്നത് ഇതാണ് എന്നാണ് അവര് പറയുന്നത്. ഇതാണ് ഭീഷണി, മക്കളെ ജയിലില് പോയി കാണേണ്ടിവരും എന്നതുകൊണ്ട് നല്കുന്ന സന്ദേശമാണ് ഗൗരവകരമായി കാണേണ്ടത്.
കേരളത്തിന്റെ മുഖ്യമന്ത്രിക്ക് നേരെയുള്ള ഭീഷണിയാണ് ഇത്. നിങ്ങള്ക്ക് വീട്ടില് കിടന്നുറങ്ങാന് പറ്റില്ല, കുട്ടികളെ ജയിലില് പോയി കാണേണ്ടിവരും എന്ന് പറയുന്നതിന്റെ ഉദ്ദേശം വ്യക്തമല്ലേ? എ.എന്.രാധാകൃഷ്ണന് പ്രസ്താവന ചൂണ്ടീക്കാണിച്ചുകൊണ്ടുള്ള മാധ്യമപ്രവര്ത്തകരുടെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി.
ഒരു കേസിന്റെ അന്വേഷണം നടക്കുന്നു. അതില് ഏതെങ്കിലും തരത്തില് അമിത താല്പര്യത്തോടെയോ തെറ്റായോ ഗവണ്മെന്റ് ഇടപെട്ടു എന്ന് ആരോപണം ഉയര്ന്നിട്ടില്ല. ആഭ്യന്തര വകുപ്പ് കൈകാര്യം ചെയ്യുന്ന മുഖ്യമന്ത്രി എന്ന നിലയ്ക്ക് അതുമായി ബന്ധപ്പെട്ട് തെറ്റായ കാര്യങ്ങള് സംഭവിച്ചു എന്നതും ആക്ഷേപമായി ഉയര്ന്നിട്ടില്ല. കേസ് അന്വേഷിക്കുകയാണെങ്കില് ഭരണത്തിന് നേതൃത്വം കൊടുക്കുന്നവരെ കുടുക്കും എന്നത് മറ്റൊരു ഭീഷണിയാണെന്നും അദ്ദേഹം പറഞ്ഞു.
രാധാകൃഷ്ണന്റെ ആളുകള് ഇങ്ങനെയുള്ള പല ഭീഷണികളും വളരെക്കാലം മുന്നേ തനിക്ക് നേരേ ഉയര്ത്തിയതാണെന്നും മുഖ്യമന്ത്രി പറഞ്ഞു. അത് ജയിലില് കിടക്കലല്ല, അതിനപ്പുറവുമുള്ളത്. അന്നെല്ലാം ഞാന് വീട്ടില് കിടന്നുറങ്ങുന്നുണ്ട്. അതിലൊരു പ്രയാസവുമുണ്ടായിട്ടില്ല. അതൊര്ക്കുന്നത് നല്ലത്. ഈ തരത്തിലുള്ള ഭീഷണികള് കടന്നുവന്നയാളാണെന്നും മുഖ്യമന്ത്രി പറഞ്ഞു.
