ആന്ധ്രാപ്രദേശ് : സിഎംഎസ് 01 വിക്ഷേപിച്ചു. ശ്രീഹരി കോട്ടയിൽ നിന്നായിരുന്നു വിക്ഷേപണം. ഈ വർഷത്തെ ഐഎസ്ആർഒയുടെ അവസാന വിക്ഷേപണമാണ് ഇത്. ബംഗാൾ ഉൾക്കടലിലെ ന്യൂനമർദത്തെത്തുടർന്നു മാറ്റിവെച്ച ഐഎസ്ആർഒയുടെ സിഎംഎസ്–01 ഉപഗ്രഹത്തിന്റെ വിക്ഷേപണം ആണ് ഇന്ന് നടന്നത്.
42-ാം വാർത്താ വിനിമയ ഉപഗ്രഹമാണ് ഇന്ത്യ വിക്ഷേപിച്ചത്. പിഎസ്എൽവി സി–50 റോക്കറ്റ് ഉപയോഗിച്ചായിരുന്നു വിക്ഷേപണം. ആൻഡമാൻ, ലക്ഷദ്വീപ് എന്നിവയെക്കൂടി ഉൾപ്പെടുത്തിയുള്ള വാർത്താവിനിമയ ഉപഗ്രഹമാണ് സിഎംഎസ് 1.
