തിരുവനന്തപുരം : സംസ്ഥാന സര്‍ക്കാറിന്റെ പുതിയ നൂറുദിന പരിപാടിയിലൂടെ 1557 പദ്ധതികള്‍ നടപ്പാക്കുമെന്ന് മുഖ്യമന്ത്രി പിണറായി വിജയന്‍. രണ്ടാം പിണറായി സര്‍ക്കാരിന്റെ ഒന്നാം വാര്‍ഷികത്തിന് മുന്നോടിയായി നൂറുദിന കര്‍മ്മ പദ്ധതികള്‍ മുഖ്യമന്ത്രി പ്രഖ്യാപിച്ചത്. മെയ് 20ന് സര്‍ക്കാര്‍ ഒരു വര്‍ഷം പൂര്‍ത്തീകരിക്കും. നേരത്തെ പ്രഖ്യാപിച്ച 100 ദിന പദ്ധതികള്‍ പൂര്‍ത്തീകരിച്ചതായും അദ്ദേഹം അറിയിച്ചു. 1557 പദ്ധതികള്‍ വഴി പുതിയ തൊഴിലവസരങ്ങള്‍ സൃഷ്ടിക്കുമെന്നും മുഖ്യമന്ത്രി പറഞ്ഞു.
രണ്ടാം നൂറ് ദിന കര്‍മ്മപരിപാടി –
രണ്ടാം നൂറു ദിന പരിപ്പാടിയില്‍ 1557 പദ്ധതികള്‍
അതിഥി തൊഴിലാളികള്‍ക്ക് അടക്കം കൂടുതല്‍ തൊഴില്‍ ദിനങ്ങള്‍ കൊണ്ട് വരും
464714 തൊഴില്‍ അവസരങ്ങള്‍ ഉണ്ടാക്കും
ഉന്നത നിലവാരത്തില്‍ ഉള്ള 53 സ്കൂളുകള്‍ നാടിനു സമര്‍പ്പിക്കും
ലൈഫ് മിഷന്‍ വഴി 20000 വീടുകള്‍ നിര്‍മ്മിക്കും
സംസ്ഥാനത് ആകെ വാതില്‍പ്പടി സംവിധാനം കൊണ്ട് വരും
എല്ലാ ജില്ലയിലും സുഭിക്ഷ ഹോട്ടല്‍
15000 പേര്‍ക്ക് പട്ടയം നല്‍കും
ഭൂമിയില്‍ ഡിജിറ്റല്‍ സര്‍വേ തുടങ്ങും
ഞങ്ങളും കൃഷിയിലേക്ക് പദ്ധതി വഴി 10000 ഹെക്റ്ററില്‍ ജൈവ കൃഷി തുടങ്ങും
23 പുതിയ പോലീസ് സ്റ്റേഷനുകള്‍ക്ക് തറക്കല്ലിടും
കുട്ടനാട് പദ്ധതിയുടെ ഭാഗമായി വേമ്പനാട് കായലില്‍ ബണ്ടു നിര്‍മ്മാണം തുടങ്ങും
കിഫ്‌ബി വഴി ശബരിമല ഇടത്താവളങ്ങള്‍ നവീകരിക്കും
ഇടുക്കിയില്‍ എയര്‍ സ്ട്രിപ്പ് ഉദ്ഘാടനം ചെയ്യും
1500 റോഡുകളുടെ ഉദ്ഘാടനം നടത്തും
ഇടുക്കിയില്‍ എന്‍സിസി സഹായത്തോടെ നിര്‍മ്മിച്ച എയര്‍ സ്ട്രിപ്പ് ഉദ്ഘാടനം ചെയ്യും
മത്സ്യ തൊഴിലാളികള്‍ക്കുള്ള 532 വീടുകളുടെ താക്കോല്‍ ദാനം നല്‍കും
കോഴിക്കോടും കൊല്ലത്തും മാലിന്യത്തില്‍ നിന്നും വൈദ്യുതി ഉത്പാദിപ്പിക്കുന്ന പ്ലാന്റുകൾ ഉദ്ഘാടനം ചെയ്യും
