എസ്യുവി വിൽപ്പനയിൽ വൻ മുന്നേറ്റവുമായി ടാറ്റ പഞ്ച്. 2025 ഓഗസ്റ്റിൽ വിറ്റ 10,704 യൂണിറ്റുകളുമായി താരതമ്യം ചെയ്യുമ്പോൾ കഴിഞ്ഞ മാസം 21,320 യൂണിറ്റ് പഞ്ചാണ് വിറ്റത്. അതായത് വിൽപ്പനയിൽ 99.2 ശതമാനം വർധനയാണ് ഇതപവരെ രേഖപ്പെടുത്തിയത്. ഓഗസ്റ്റിൽ കോംപാക്ട് എസ്യുവി വിഭാഗത്തിൽ 17.6 ശതമാനം വിഹിതവും പഞ്ച് സ്വന്തമാക്കി. ടോപ്-10 മോഡലുകളിൽ ഏറ്റവും ഉയർന്ന വാർഷിക വളർച്ചയും പഞ്ചിനാണ്. മാരുതി സുസുക്കി ഫ്രോങ്ക്സ് 18,730 യൂണിറ്റ് വിൽപ്പനയുമായി രണ്ടാം സ്ഥാനത്തും ടാറ്റ നെക്സോൺ 18,431 യൂണിറ്റുമായി മൂന്നാം സ്ഥാനത്തുമാണ്.
മാരുതി സുസുക്കി ഫ്രോങ്ക്സിന്റെ വിൽപ്പന 2025 ഓഗസ്റ്റിലെ 12,422 യൂണിറ്റിൽ നിന്ന് 18,730 യൂണിറ്റായി ഉയർന്നു. വാർഷിക വളർച്ച 50.8 ശതമാനമാണ്. സെഗ്മെന്റ് വിഹിതം 15.4 ശതമാനം. കഴിഞ്ഞ വർഷം ഇതേ കാലയളവിൽ 14,004 യൂണിറ്റായിരുന്നു വിൽപ്പന. 31.6 ശതമാനം വളർച്ചയാണ് രേഖപ്പെടുത്തിയത്. ഫ്രോങ്ക്സിനും നെക്സോണിനും ഇടയിലെ വിൽപ്പന വ്യത്യാസം വെറും 299 യൂണിറ്റാണ്. നെക്സോണിന്റെ സെഗ്മെന്റ് വിഹിതം 15.2 ശതമാനമാണ്.
മാരുതി സുസുക്കി ബ്രെസ്സ 15,288 യൂണിറ്റ് വിൽപ്പനയുമായി നാലാം സ്ഥാനത്താണ്. 2025 ഓഗസ്റ്റിൽ വിറ്റ 13,620 യൂണിറ്റുകളെ അപേക്ഷിച്ച് 12.2 ശതമാനം വളർച്ചയാണ് നേടിയത്. അടുത്തിടെ പുറത്തിറങ്ങിയ ബ്രെസ്സ ഫെയ്സ്ലിഫ്റ്റ് വരും മാസങ്ങളിൽ വിൽപ്പന കൂടുതൽ ഉയർത്തുമെന്നാണ് പ്രതീക്ഷ. ഹ്യുണ്ടായി വെന്യു 11,365 യൂണിറ്റുമായി അഞ്ചാം സ്ഥാനത്താണ്. കഴിഞ്ഞ വർഷം 8,109 യൂണിറ്റായിരുന്നു വിൽപ്പന. 40.2 ശതമാനം വാർഷിക വളർച്ചയും 9.4 ശതമാനം സെഗ്മെന്റ് വിഹിതവുമാണ് വെന്യുവിനുള്ളത്.
