ആലുവ: അവതാരകന്‍ സിജോ രാജനും യൂട്യൂബ് ചാനലിനുമെതിരെ പോലീസില്‍ പരാതി. ആലുവ തുരുത്ത് ഞെട്ടണയില്‍ വീട്ടില്‍ എന്‍.കെ.നൗഷാദാണ് ആലുവ എസ്.പിക്ക് പരാതി നല്‍കിയത്. കര്‍മ ന്യൂസ് എന്ന ഓണ്‍ലൈന്‍ ചാനലും അവതാരകനും നിരന്തരം മതപര വിദ്വേഷം ജനിപ്പിക്കുന്നതായാണ് ആരോപണം. മുസ്ലിം സമുദായത്തെ ഭീകരരായി താറടിച്ച്‌ കാണിച്ച്‌ വര്‍ഗീയ കലാപത്തിന് കോപ്പുകൂട്ടുകയാണ്‌. അനന്തപുരി ഹിന്ദു സമ്മേളനത്തില്‍ വര്‍ഗീയ വിദ്വേഷം വമിച്ചും സ്ത്രീത്വത്തെ അപമാനിച്ചും സംസാരിച്ച ദുര്‍ഗാദാസിനെയും സിജോ പിന്തുണച്ച്‌ സംസാരിക്കുന്നതും പരാതിയില്‍ ചൂണ്ടിക്കാട്ടിയിട്ടുണ്ട്.
