ഇരിട്ടി : ആറളം ഫാം പുനരധിവാസ മേഖലയിൽ പ്രധാനമന്ത്രി സഡക്ക് യോജന പദ്ധതി പ്രകാരമുള്ള റോഡ് നിർമാണത്തിന്‍റെ മറവിൽ മരം മുറിച്ചു കടത്തി. റോഡ് വികസനത്തിന്‍റെ മറവിൽ സ്ഥലമുടമ പോലും അറിയാതെ കൈയേറ്റം നടത്തി ലക്ഷങ്ങൾ വില വരുന്ന ആഞ്ഞിലി മരം മുറിച്ചു കടത്തുകയായിരുന്നെന്നാണ് പരാതി. ബ്ലോക്ക് 12ലെ മാറാടി രാജന്‍റെ ഭൂമിയിലെ മരമാണ് മുറിച്ചു കടത്തിയത്. മരം മുറിക്കുന്ന കാര്യം താൻ അറിഞ്ഞിട്ടു പോലുമില്ലെന്നും റോഡ് വികസനത്തിന് മരം മുറിക്കേണ്ടതുണ്ടെന്ന ഒരു വിവരവും തന്നെ ആരും അറിയിച്ചിട്ടില്ലെന്നും രാജൻ പറഞ്ഞു. തന്‍റെ സ്ഥലത്ത് ഉൾപ്പട്ടെ മരം മുറിച്ച് കടത്തിയത് സംബന്ധിച്ച് രാജൻ ടിആർഡിഎമ്മിന് പരാതി നൽകി. പോലീസിലും പരാതി നൽകുമെന്ന് രാജൻ പറഞ്ഞു.
പുനരധിവാസ മേഖലയിലെ താമസക്കാർക്ക് പോലും സ്വന്തം സ്ഥലത്തെ മരങ്ങൾ മുറിക്കാൻ അനുവാദമില്ലാത്ത സാഹചര്യത്തിലാണ് റോഡ് വികസനത്തിന്‍റെ മറവിൽ മരം കൊള്ള നടത്തിയതെന്ന് താമസക്കാർ പറയുന്നു. വീതികൂട്ടി പുനർനിർമിക്കുന്ന റോഡിന്‍റെ പരിധിക്കുള്ളിൽ വരുന്ന പുനരധിവാസ മേഖലയിലെ താമസക്കാരുടെ സ്ഥലത്തെ മരങ്ങൾ അ‌ടയാളപ്പെ‌ടുത്തിയിട്ടുണ്ട്. അടയാളപ്പെടുത്തിയ മരങ്ങൾ മുറിച്ചുമാറ്റിയാൽ മാത്രമേ കെഎസ്ഇബിക്ക് ലൈൻ മാറ്റി സ്ഥാപിക്കാൻ കഴിയുകയുള്ളൂ. കെഎസ്ഇബി ലൈൻ മാറ്റി സ്ഥാപിക്കാത്തത് കാരണം റോഡ് നിർമാണം വൈകുന്നതായും ആക്ഷേപമുണ്ട്. ഇതിനിടയിലാണ് റോഡിന്‍റെ പരിധിയിൽ അടയാളപ്പെടുത്തിയ ആഞ്ഞിലി മരം മുറിച്ച് നീക്കിയത്. കഴിഞ്ഞ മഴക്കാലത്ത് പുനരധിവാസ മേഖലയിൽ പൊട്ടിവീണ റബർ മരങ്ങൾ മുറിച്ച് വില്പന നടത്താൻ താമസക്കാർ അനുവാദം ചോദിച്ചിരുന്നുവെങ്കിലും അധികൃതർ നിഷേധിക്കുകയായിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
