റാന്നി: പൊതുമരാമത്ത് വകുപ്പ് റോഡും പാലത്തിന്‍റെ നടപ്പാതയും കൈയ്യേറിയുള്ള അനധികൃത വ്യാപാരം ഗതാഗത കുരുക്കിന് ഇടയാക്കുന്നതായി പരാതി. ഇട്ടിയപ്പാറ ബൈപ്പാസിലെ കണ്ടനാട്ടുപടി മിനര്‍വ്വാപടി റോഡിൽ ബസ് സ്റ്റാന്‍ഡിലേക്കു തിരിയുന്നതിന് മുന്‍പാണ് ഗതാഗത കുരുക്കിനിടയാക്കുന്ന വഴിയോര വ്യാപാരം നടക്കുന്നത്. പൊതുമരാമത്ത് വകുപ്പും പഞ്ചായത്തും ഈ വിഷയത്തില്‍ ഇതുവരെ നടപടി ഒന്നും എടുത്തിട്ടില്ല. പാലത്തിന്‍റെ നടപ്പാതയും ദിശാബോര്‍ഡും കൈയ്യേറി നടത്തുന്ന വ്യാപാരത്തിനെതിരെ പോലീസും നടപടി സ്വീകരിക്കുന്നില്ല.
സാധനങ്ങള്‍ വാങ്ങാനെത്തുന്ന യാത്രക്കാര്‍ പാലത്തിലാണ് വാഹനങ്ങള്‍ പലപ്പോഴും പാര്‍ക്കു ചെയ്യുന്നത്. ടൗണില്‍ അനധികൃത പാര്‍ക്കിംങ് നടത്തുന്നവര്‍ക്കെതിരെ നടപടി എടുക്കുന്ന മോട്ടോര്‍ വാഹനവകുപ്പും ഇതു കണ്ടില്ലെന്നു നടിക്കുകയാണ്. പഞ്ചായത്ത് മാനദണ്ഡങ്ങള്‍ പലതും തെറ്റിച്ചാണ് ബൈപ്പാസ് റോഡരികില്‍ വ്യാപാരസ്ഥാപനങ്ങള്‍ ഉയരുന്നത്.
കെട്ടിട നിര്‍മ്മാണ ചട്ടങ്ങള്‍ കാറ്റില്‍ പറത്തിയുള്ള ഇത്തരം നിര്‍മ്മാണങ്ങള്‍ക്കെതിരെ പഞ്ചായത്ത് എന്‍ജിനീയറിംങ് വിഭാഗം അനങ്ങാപ്പാറ നയമാണ് സ്വീകരിക്കുന്നത്. കെട്ടിട നിര്‍മ്മാണ അനുമതിക്കായി പലരും അപേക്ഷ നല്‍കി കാത്തിരിക്കുമ്പോഴാണ് ഇത്തരം അനധികൃത നിര്‍മ്മാണങ്ങള്‍ പെരുകുന്നതെന്ന വാസ്തവും നമ്മുടെ മുന്‍പിലുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
