പത്തനംതിട്ട : സംസ്ഥാന വ്യവസായ വാണിജ്യ വകുപ്പും ജില്ല വ്യവസായ കേന്ദ്രം കോഴഞ്ചേരി താലൂക്ക് വ്യവസായ ഓഫീസും പെരുനാട് ഗ്രാമപഞ്ചായത്തും സംയുക്തമായി സംഘടിപ്പിച്ച സംരംഭക ശില്പശാലയുടെ ഉദ്ഘാടനം പെരുനാട് മഠത്തും മൂഴി ശബരിമല ഇടത്താവളത്തില്‍ ഗ്രാമപഞ്ചായത്ത് പ്രസിഡന്റ് പി എസ് മോഹനന്‍ നിര്‍വഹിച്ചു. ചടങ്ങില്‍ വൈസ് പ്രസിഡന്റ് ഡി. ശ്രീകല അധ്യക്ഷത വഹിച്ചു. കേരള സര്‍ക്കാര്‍ വ്യവസായ വാണിജ്യ വകുപ്പ് മുഖേന നടപ്പാക്കുന്ന ഊര്‍ജ്ജിത വ്യവസായവല്‍ക്കരണ പദ്ധതിയുടെ ഭാഗമായി 2022 – 23 സാമ്പത്തിക വര്‍ഷം സംരംഭക വര്‍ഷമായി ആചരിക്കുകയും ഒരു ലക്ഷം പുതിയ സംരംഭങ്ങള്‍ തുടങ്ങുകയും ചെയ്തിരുന്നു.
2023 – 24 സാമ്പത്തിക വര്‍ഷം സംരംഭക വര്‍ഷം 2.0 നടപ്പിലാക്കുന്നതിലൂടെ കഴിഞ്ഞ സാമ്പത്തിക വര്‍ഷം ആരംഭിച്ച സംരംഭങ്ങളുടെ സുസ്ഥിരത സ്‌കെയില്‍ അപ്പ് പ്രവര്‍ത്തനങ്ങള്‍ക്ക് സര്‍ക്കാര്‍ മുന്‍ഗണന നല്‍കുന്നു. സംരംഭകര്‍ക്ക് വിപണി പ്രയോജനം ലഭിക്കുന്നതിന് കേരള ബ്രാന്‍ഡ് സംവിധാനവും കൂടി നടപ്പിലാക്കുകയാണ്.
പുതിയ സംരംഭങ്ങള്‍ ആരംഭിക്കുന്നതിനുള്ള മാര്‍ഗ നിര്‍ദേശങ്ങളും സാധ്യത സംരംഭകളെപ്പറ്റിയുള്ള അവബോധവും സര്‍ക്കാര്‍ അനുകൂല്യങ്ങളെപ്പറ്റിയും മില്‍ബിന്‍ കോശി, എബിന്‍ സുരേഷ്, ഗോകുല്‍ എന്നിവര്‍ ക്ലാസുകള്‍ നയിച്ചു. വൈസ് പ്രസിഡന്റ് ഡി ശ്രീലയുടെ അധ്യക്ഷത വഹിച്ച ചടങ്ങില്‍ വികസന സ്റ്റാന്റിംഗ് കമ്മിറ്റി ചെയര്‍മാന്‍ സി എസ് സുകുമാരന്‍ വാര്‍ഡംഗങ്ങളായ എം റിന്‍സി , അരുണ്‍ അനിരുദ്ധന്‍, റാന്നി ബ്ലോക്ക് വ്യവസായ വികസന ഓഫീസര്‍ ജെ.എല്‍ ലിജു, അസിസ്റ്റന്റ് സെക്രട്ടറി അബ്ദുല്‍സലാം,എം ജി എന്‍ ആര്‍ ഇ ജി എസ് അസിസ്റ്റന്റ് എഞ്ചിനീയര്‍ പി എന്‍ മനോജ്,ഉദ്യോഗസ്ഥര്‍, സംരംഭകര്‍, തുടങ്ങിയവര്‍ പങ്കെടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
