ബെംഗളൂരു: കര്ണാടക കോണ്ഗ്രസ് നേതാവിന്റെ സഹോദരന്റെ വസതിയില് ആദായനികുതി വകുപ്പ് നടത്തിയ റെയ്ഡില് മരത്തില് ഒളിപ്പിച്ച ഒരു കോടി രൂപ പിടിച്ചെടുത്തു. കര്ണാടക കോണ്ഗ്രസ് നേതാവ് അശോക് കുമാര് റായിയുടെ സഹോദരന് സുബ്രഹ്മണ്യ റായിയുടെ മൈസൂരിലെ വീട്ടിലാണ് ഐടി വകുപ്പ് ഉദ്യോഗസ്ഥര് റെയ്ഡ് നടത്തിയത്. തിരഞ്ഞെടുപ്പ് കണക്കിലെടുത്ത് കര്ണാടക പോലീസ് സംസ്ഥാനത്തുടനീളം റെയ്ഡ് നടത്തി.
പരിശോധനയ്ക്കിടെ സുബ്രഹ്മണ്യ റായുടെ വീട്ടിലെ മരത്തില്, ഒരു പെട്ടിയിലൊളിപ്പിച്ച നിലയിലാണ് പണം കണ്ടെത്തിയത്. കര്ണാടകയില് പെരുമാറ്റച്ചട്ടം നിലവില് വന്നതിനു ശേഷം ഇതുവരെ 110 കോടി രൂപയാണ് പരിശോധനയില് കണ്ടെടുത്തത്. 2,346 എഫ് ഐ ആറും രജിസ്റ്റര് ചെയ്തു. കര്ണാടക നിയമസഭാ തിരഞ്ഞെടുപ്പ് മെയ് 10 ന് നടക്കും ഫലം മെയ് 13 ന് പ്രഖ്യാപിക്കും.