ന്യൂഡല്ഹി : കോണ്ഗ്രസ് നേതൃത്വത്തിനെതിരെ നേതാക്കള് ഉന്നയിച്ച വിമര്ശനങ്ങള്ക്ക് മറുപടിയുമായി അധ്യക്ഷ സോണിയ ഗാന്ധി. താന് കോണ്ഗ്രസിെന്റ മുഴുവന് സമയ അധ്യക്ഷയാണെന്ന് സോണിയ ഗാന്ധി പറഞ്ഞു. പാര്ട്ടി വര്ക്കിങ് കമ്മിറ്റി യോഗത്തിലാണ് അവരുടെ പരാമര്ശം. കോണ്ഗ്രസ് നേതൃത്വത്തിനെതിരെ വിമര്ശനമുയര്ത്തിയ ജി-23 നേതാക്കള്ക്കുള്ള മറുപടി കൂടിയാണ് സോണിയ ഗാന്ധി നല്കിയത്.
തന്നോട് എല്ലാം തുറന്ന് പറയുന്ന രീതിയെ താന് ഇഷ്ടപ്പെടുന്നുവെന്നും സോണിയ പറഞ്ഞു. മാധ്യമങ്ങളിലൂടെ തന്നോട് സംസാരിക്കേണ്ട ആവശ്യമില്ല. കോണ്ഗ്രസ് നേതൃത്വത്തിനെതിരെ വിമര്ശനം ഉന്നയിച്ച് നേതാക്കള് എഴുതിയ കത്ത് മാധ്യമങ്ങളിലൂടെ പുറത്ത് വന്നതിലായിരുന്നു സോണിയ അതൃപ്തി പ്രകടിപ്പിച്ചത്. കര്ഷകസമരം, കോവിഡുകാലത്ത് ജനങ്ങള്ക്ക് സഹായം നല്കല് എന്നിവയിലെല്ലാം താന് ഫലപ്രദമായി ഇടപ്പെട്ടുവെന്നും സോണിയ ചൂണ്ടിക്കാട്ടി.
കേന്ദ്ര സര്ക്കാറിനെതിരെ നിലപാടെടുക്കുന്ന മറ്റു പാര്ട്ടികളുമായി ചര്ച്ച നടത്തി സംയുക്ത പ്രസ്താവനകള് പുറത്തിറക്കിയിട്ടുണ്ട്. ദേശീയവിഷയങ്ങളില് പാര്ലമെന്റിലും ഇത്തരം സഹകരണമുണ്ടായിട്ടുണ്ടെന്ന് സോണിയ പറഞ്ഞു. പാര്ട്ടി നേരിടുന്ന പ്രതിസന്ധികളെ കുറിച്ച് സത്യസന്ധവും സ്വതന്ത്രവുമായ ചര്ച്ചകളാവാം. എന്നാല്, ഈ നാല് ചുമരുകള്ക്ക് പുറത്ത് എന്താണ് പറയേണ്ടതെന്ന് വര്ക്കിങ് കമ്മിറ്റിയുടെ കൂട്ടായ തീരുമാനമായിരിക്കുമെന്നും സോണിയ ഗാന്ധി കൂട്ടിര്ച്ചേര്ത്തു.