പത്തനംതിട്ട : പ്രതിപക്ഷ നേതാവ് വി.ഡി.സതീശൻ നയിക്കുന്ന പുതുയുഗ യാത്രയോടനുബന്ധിച്ച് കേന്ദ്ര, സംസ്ഥാന സർക്കാരുകളുടെ ജനദ്രോഹ നടപടികൾ തുറന്ന് കാട്ടാൻ കെ.പി.സി.സി നിർദേശാനുസരണം ബൂത്ത് കോൺഗ്രസ് കമ്മിറ്റികളുടെ നേതൃത്വത്തിൽ ആരംഭിച്ച ഭവനസന്ദർശന പരിപാടിയുടെ ബ്ലോക്ക്തല ഉദ്ഘാടനം തണ്ണിത്തോട്ടിൽ ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം നിർവഹിച്ചു.
ബ്ലോക്ക് പ്രസിഡന്റ് ആർ. ദേവകുമാർ അദ്ധ്യക്ഷതവഹിച്ചു. റോയിച്ചൻ ഏഴിക്കകത്ത്, എം വി അമ്പിളി, കെ വി സാമുവൽ കിഴക്കേതിൽ, അജയൻപിള്ള ആനിക്കനാട്ട്, വസന്ത് ചിറ്റാർ, ഷമീർ തടത്തിൽ, ബിജു മാത്യു, ശ്യാം എസ് നായർ, കെ എൻ സോമരാജൻ, ബിജു കുമ്മണ്ണൂർ, ബിജു ആർ പിള്ള, ബിജിലാൽ, സാം മാത്യു, എം ഡി ജേക്കബ്, ജോർജി ചിറ്റാർ എന്നിവർ പ്രസംഗിച്ചു.
