പത്തനംതിട്ട: മുഖ്യമന്ത്രിയുടെ ഓഫീസ് ഉൾപ്പെട്ട രാജ്യാന്തര സ്വർണ്ണക്കടത്ത് കേസിൽ എൻ.ഐ.എയോടൊപ്പം സിബിഐയും, റോയും അന്വേഷണം നടത്തണമെന്നും മുഖ്യമന്ത്രി രാജി വെയ്ക്കണമെന്നാവശ്യപ്പെട്ടും
കെ.പി. സി.സി ആഹ്വാനമനുസരിച്ച് ജൂലൈ പതിനാലിന് താലുക്ക് കേന്ദ്രങ്ങളിൽ പ്രതിഷേധധർണ്ണ നടത്തുമെന്ന് ഡി.സി.സി പ്രസിഡന്റ് ബാബു ജോർജ്ജ് അറിയിച്ചു.
കോഴഞ്ചേരി താലൂക്ക് ആസ്ഥാനമായ പത്തനംതിട്ട, കണ്ടെയ്ൻമെന്റ് സോൺ ആയ സാഹചര്യത്തിൽ
കോഴഞ്ചേരിയിലാണ് പ്രതിഷേധധർണ്ണ നടത്തുന്നത്. തിരുവല്ലയിൽ ഡി.സി.സി പ്രസിഡന്റ് ബാബു ജോർജ്ജും, കോഴഞ്ചേരിയിൽ കെ.പി.സി.സി ജനറൽ സെക്രട്ടറി അഡ്വ. കെ. ശിവദാസൻനായരും, അടൂരിൽ കെ.പി.സി.സി ജനറൽ സെക്രട്ടറി അഡ്വ. പഴകുളം മധുവും , മല്ലപ്പള്ളിയിൽ കെ.പി.സി.സി അംഗം സതീഷ് കൊച്ചുപറമ്പിലും, റാന്നിയിൽ കെ.പി.സി.സി അംഗം മാലേത്ത് സരളാദേവിയും, കോന്നിയിൽ കെ.പി.സി.സി അംഗം മാത്യു കുളത്തുങ്കലും താലുക്ക്തല പ്രതിഷേധ ധർണ്ണകൾ ഉദ്ഘാടനം ചെയ്യും.
