തിരുവനന്തപുരം: തിരുവനന്തപുരത്ത് കോണ്ഗ്രസ് വനിതാ കൗണ്സിലര് രാജിവെച്ചു. കൗണ്സിലര് സ്ഥാനം രാജിവയ്ക്കുന്നൂവെന്ന് മണ്ണന്തല കൗണ്സിലര് വനജ രാജേന്ദ്രബാബു ഡിസിസി പ്രസിഡന്റ് പാലോട് രവിക്ക് നല്കിയ കത്തില് പറയുന്നു. ഉള്ളൂര് ബ്ലോക്ക് അധ്യക്ഷനെച്ചൊല്ലി കോണ്ഗ്രസിനുള്ളില് വ്യാപകമായ പരാതിയാണ് ഉയരുന്നത്. പുതിയ ബ്ലോക്ക് പ്രസിഡന്റായി നിയമിതനായ ആള് ഗ്രൂപ്പ് നേതാവിന്റെ ബിസിസന് പങ്കാളിയാണെന്നാണ് ആക്ഷേപം.
അരുവിക്കര, കാട്ടാക്കട, വിളിപ്പില് കരമനയിലും പാര്ട്ടിക്കുള്ളില് തര്ക്കം രൂക്ഷമാണ്. കഴിഞ്ഞ നിയമസഭാ തെരഞ്ഞെടുപ്പില് ശബരിനാഥനെ പരാജയപ്പെടുത്താന് ശ്രമിച്ചയാള് അധ്യക്ഷനായെന്നും പരാതി ഉയരുന്നുണ്ട്. അതേ സമയം, കണ്ണൂരിലും ഗ്രൂപ്പ് പോരുകള് രൂക്ഷമായി തുടരുകയാണ്. പുനസംഘടനയെച്ചൊല്ലിയാണ് കണ്ണൂരിലും പൊട്ടിത്തെറി. ജില്ലയിലെ പാര്ട്ടി പരിപാടികള് ബഹിഷ്കരിക്കാനാണ് എ ഗ്രൂപ്പ് തീരുമാനം. എ ഗ്രൂപ്പിന് ലഭിച്ച ബ്ലോക്ക് പ്രസിഡന്റുമാരോട് ചുമതലയേല്ക്കേണ്ടതില്ലെന്നും ഗ്രൂപ്പ് നേതാക്കള് നിര്ദ്ദേശം നല്കി.
